: नेकपा एकीकृत समाजवादीका अध्यक्ष माधवकुमार नेपालले कम्युनिस्ट पार्टीका नेताले सरकारको नेतृत्व सम्हाल्दा समेत देशको अवस्था राम्रो हुन नसकेको बताएका छन्।
नेपाल कम्युनिस्ट पार्टीका संस्थापक महासचिव पुष्पलाल श्रेष्ठको ४७ औँ स्मृति दिवसको अवसरमा समाजवादी मोर्चाले बुधबार काठमाडौंमा आयोजना गरेको कार्यक्रममा अध्यक्ष नेपालले कम्युनिस्ट पार्टीका नेता प्रधानमन्त्री हुँदा पनि परिणामदायी काम हुन नसकेकाले जनतामा निराशा छाएको बताएका हुन्।
देशको राजनीतिक, सामाजिक र आर्थिक विषयमा बहस हुन जरुरी रहको उनले बताए।
अध्यक्ष नेपालले कम्युनिस्ट आन्दोलनमा चुनौती देखिए सामना गर्ने साहस देखाउनुपर्नेमा जोड दिए। उनले कम्युनिस्ट आन्दोलनलाई अघि बढाउन व्यक्ति भन्दा पनि नीति र सिद्धान्त महत्त्वपूर्ण रहेको बताए।
