: विश्व स्वास्थ्य संगठन (डब्ल्यूएचओ)ले इजरायली सेनाले सोमबार गाजा सहर देइर अल-बलाहमा आफ्ना कर्मचारीको आवास र मुख्य गोदाममा आक्रमण गरेको बताएको छ। डब्ल्यूएचओले हवाई आक्रमणका कारण आगलागी भएपछि कर्मचारी र उनीहरूका परिवारको ज्यान जोखिममा रहेको बताएको छ।
संगठनले आफ्ना पुरुष कर्मचारीहरूलाई बन्दुक देखाएर निर्वस्त्र पारेर सोधपुछ गरेको समेत आरोप लगाएको छ। डब्ल्यूएचओको यो आरोपमा अहिलेसम्म इजरायलबाट कुनै प्रतिक्रिया आएको छैन।
सोमबार,इजरायली ट्याङ्कहरू पहिलो पटक देइर अल-बलाह शहरको दक्षिणी र पूर्वी जिल्लाहरूमा प्रवेश गरेका थिए। यसअघि आइतबार,इजरायल रक्षा बल (आईडीएफ) ले देइर अल-बलाहमा बसोबास गरिरहेका मानिसहरूलाई तत्काल छोड्न आदेश दिएको थियो।
