। राष्ट्रियसभा सदस्य भुवनबहादुर सुनारले समसामयिक विषयमा कटाक्ष गर्दै संसद्मा कविता सुनाएका छन् ।
सामान्यत: संसद्मा सांसदहरुले नागरिकका गुनासा र समय सान्दर्भिक विषयमा सदन र सरकारको ध्यानाकर्षण गराउन आफ्ना कुरा राख्ने गर्दछन् । तर, मंगलबार राष्ट्रियसभामा बोल्दै सांसद सुनारले भने कवितामार्फत सरकारलाई कटाक्ष गरेका हुन् ।
मंगलबार शून्य समयमा बोल्दै उनले जनताहरू समस्यामा रहेको बताए । कतै धेरै वर्षाले त कतै सुख्खाले नागरिक समस्यामा परेको बताए ।
जलवायु परिवर्तनको प्रभावले हिमताल फुट्ने समस्याले पनि धनजनको क्षति गरिरहेको बताए । यस्तो बेला सरकारको उचित ध्यान जान नसकेको उनको आरोप छ ।
यही भाव प्रकट गर्न उनले सभामा कविता सुनाएका हुन् ।
कतै भारी वर्षात्,
कतै सुख्खा क्षेत्र ।
जलवायु परिवर्तनको प्रत्यक्ष प्रभाव,
हिमताल फुट्दै,
धनजनको खति ।
झनै कति हुने हो क्षति,
दर्जनौं ठाउँमा सडक अवरुद्ध,
जनतालाई सास्ती,
मन्त्री/प्रधानमन्त्री लगायत सबै
भ्रष्टाचारमा मस्ती !
