। सोमबार साफ यू-२० महिला च्याम्पियनसिपको अन्तिम खेलमा नेपाल बंगलादेशसँग ४-० गोलअन्तरले पराजित भयो ।
उक्त खेलमा बंगलादेशकी सागोरिका एक्लैले चार गोल गरेकी थिइन् । नेपाली खेलाडी यस खेलमा निरिह देखिएका थिए ।
बंगलादेश यस जितपछि च्याम्पियन नै बन्यो भने नेपाल फेरि एकपटक उपविजेतामा सीमित भयो ।
यता नेपाली फुटबलको नियामक निकाय एन्फाले भने सामाजिक सञ्जालमा राखेको पोस्टमा कमेन्ट नै गर्न नमिल्ने बनाएको छ ।
नेपाली फुटबलमा देखिँदै आएको विवादले आलोचना खेप्दै आएको एन्फाले आजको हारपछि भने कमेन्ट बक्स नै अफ राखेको छ अर्थात् पोस्टमा रियाक्ट र शेयर मात्र गर्न मिल्छ ।
आजको खेलका दौरान नेपाली समर्थकहरूबाट एन्फाले खेलको विकासमा कम र बेथितिमा बढी ध्यान दिने गरेको भन्दै चर्को आलोचना भइरहेको थियो ।
सोही कारण थप आलोचना र गालीबाट बच्नका लागि एन्फाले सामाजिक सञ्जालमा प्रतिक्रिया दिन नमिल्ने बनाएको बुझिन्छ ।
पछिल्लो समय नेपाली फुटबललाई लिएर विभिन्न नकारात्मक टिकाटिप्पणी भइरहँदा त्यस किसिमका टिप्पणीहरू आउन नदिन एन्फाले कमेन्ट बन्द गरेको हुन सक्ने देखिन्छ ।
केही समयअघि सिनियर महिला फुटबल टिमका विदेशी प्रशिक्षक प्याट्रिक डे वाइल्ड र व्यवस्थापनबीचको विवाद चुलिँदा अहिले प्रशिक्षकको राजीनामा नै आइसकेको छ ।
यसले नेपाली फुटबलमा थप विवाद र चुनौती सिर्जना गरेको छ ।
