— गाजाको देर अल–बलाह क्षेत्र खाली गर्ने इजरायली सेनाको आदेशमा संयुक्त राष्ट्रसंघले चिन्ता जनाएको छ ।
संयुक्त राष्ट्रको मानविय मामलाको एजेन्सी अफ फर द कोअर्डिनेशन अफ ह्यूम्यानेटेरियन अफेयर्सले यो आदेशले २१ लाख नागरिक गाजापट्टीको १२ प्रतिशत क्षेत्रमा सिमित भएको र आवश्यक सेवा ठप्प भएको बताएको बीबीसीले उल्लेख गरेको छ ।
आइतबार इजरायलको डिफेन्स फोर्सले देर अल–बलाह क्षेत्रमा रहेका मानिसलाई तत्काल खाली गर्न आदेश दिएको थियो ।
इजरायली सेनाले ल–मवासीतर्फ जानका लागि निर्देशन दिएको छ । संयुक्त राष्ट्रले यो आदेश गाजाका बासिन्दाका लागि एक विनाशकारी झड्का भएको बताएको छ ।
