: एसियाली फुटबल महासंघ (एएफसी) यू–२३ एसियन कप छनोटको तयारीमा रहेको नेपाली टोलीको बन्द प्रशिक्षणबाट आठ खेलाडी बाहिरिएका छन् ।
नेपाली टोलीका मुख्य प्रशिक्षक नवीन न्यौपानेले आठ खेलाडीलाई बाहिर राख्दै दोस्रो चरणको बन्द प्रशिक्षणमा ३२ खेलाडीलाई समावेश गरेको अखिल नेपाल फुटबल संघ (एन्फा) ले जनाएको छ । प्रारम्भिक चरणमा ४० खेलाडी बन्द प्रशिक्षणमा थिए ।
नेपाली यू–२३ टोलीले आगामी सेप्टेम्बर ३ देखि ९ तारिखसम्म ताजकिस्तानमा आयोजना हुने एएफसी यू–२३ एसियन कप छनोट प्रतियोगितामा सहभागिता जनाउँदै छ । त्यही प्रतियोगिताका लागि नेपाली टोलीले तयारी गरिरहेको छ । छनोटमा नेपाल समूह ‘के’मा छ । यस समूहमा घरेलु टोली ताजकिस्तान, सिरिया र फिलिपिन्स छन् ।
दोस्रो चरणको बन्द प्रशिक्षणमा अभिषेक स्याङ्तान, अभिषेक वाइबा, आयुष घलान, आयुष तिम्सिना, अमित तामाङ, अनिल बम्जन, अनिश क्षत्री, एरोन थापा, विवेक गुरुङ, विशाल केसी, विशाल नेपाली, दीपेश गुरुङ, दीपेश राई, जन्मजय धामी, जियारथ सेख र कृशल मोक्तान छन् ।
यस्तै कृतिशरत्न छुन्जु, लाहन सुब्बा, निङ्मा लामा, निरज कार्की, निराजन धामी, पेम्बा लामा, पुजन थापा, राम थापा, रोहन खड्गी, सविन घिमिरे, सञ्जीव लामा, शंकर थारु, सन्तोष खत्री, सेमान्त थापा, सुजन मगर र सुमित श्रेष्ठले पनि अन्तिम ३२ मा स्थान बनाएका छन् ।
