— पाकिस्तानको दक्षिणी सिन्ध प्रान्तमा आइतबार भएका दुई अलग–अलग सवारी दुर्घटनामा कम्तीमा १० जनाको मृत्यु भएको छ भने ६० भन्दा बढी घाइते भएका छन् ।
पहिलो दुर्घटना ठट्टा जिल्लामा भएको हो, जहाँ तीव्र गतिमा गइरहेको एक बस अनियन्त्रित भएर पल्टिँदा ६ जनाको ज्यान गएको छ भने २० जनाभन्दा बढी घाइते भएका छन् ।
उक्त बसमा पिकनिक मनाउन गएका यात्रुहरू सवार थिए । खैपुर जिल्लामा भएको दोस्रो दुर्घटनामा कराँचीबाट मनसेहरातर्फ जाँदै गरेको एक यात्रुवाहक बस सडकमा पल्टिँदा चार जनाको मृत्यु भएको हो । जसमा महिलासहित ४० जना घाइते भएको प्रहरीले जनाएको छ ।
