मुख्य समाचार
सुर्खेतमा चाइनिज पेस्तोल र गोलीसहित २ जनालाई प्रहरीले पक्राउ
सुर्खेतमा चाइनिज पेस्तोल र गोलीसहित २ जनालाई प्रहरीले पक्राउ

: सुर्खेतमा चाइनिज पेस्तोल र गोलीसहित २ जनालाई प्रहरीले पक्राउ गरेको छ। उनीहरुलाई बिहीबार राती वीरेन्द्रनगरबाट पक्राउ गरिएको जिल्ला प्रहरी कार्यालय सुर्खेतले जनाएको छ। पक्राउ पर्नेमा वीरेन्द्रनगर–८ का २३ वर्षीय विधान शाही र २२ वर्षीय आदित्य घिमिरे छन्।



वीरेन्द्रनगरस्थित कृष्ण मन्दिर नजिक ठूलो मात्रामा लागुऔषध तथा हातहतियार रहेको सूचना स्थानीय बासिन्दाले प्रहरीलाई दिएका थिए। उक्त सूचना पाएपछि प्रहरीको टोली घटनास्थलमा पुगेको थियो। लागुऔषध रहेको सूचनामा सोधपुछ थालेको प्रहरीले उनीहरू बस्ने कोठामा छापा मारेको थियो। त्यसक्रममा उनीहरुको साथबाट अत्याधुनिक हतियार र लागुऔषध बरामद गरिएको प्रहरीले जनाएको छ।



जिल्ला प्रहरी कार्यालय सुर्खेतका डीएसपी मोहनजंग बुढथापाले विधान र आदित्यको साथबाट १ थान स्वचालित चाइनिज पेस्तोल, त्यसमा लाग्ने २ थान म्यागजीन र १२ राउण्ड गोली बरामद गरिएको बताए। उनका अनुसार उनीहरुकै साथबाट विभिन्न आकारका ४ थान खकुरी, २ थान चक्कु, १ थान बन्चरो, १ थान नाईनस्टिक र १ थान कैंची लगायतका विभिन्न हातहतियार बरामद गरिएको छ। यस्तै उनीहरुको शरीर तथा कोठाबाट औषधीजन्य लागूऔषध ट्रामाडोल जस्तो देखिने ९० पत्ता, लागूऔषध स्पास्मो लेखिएको ट्रामाडोल जस्तो देखिने १६ पत्ता र नाइट्राज्पाम जस्तो देखिने ४० पत्ता लागूऔषध गरी जम्मा एकसय ४६ पत्ता बरामद गरिएको प्रहरीले जनाएको छ।



प्रहरीका अनुसार उनीहरुको साथबाट १ थान प्रतिबन्धित वन्यजन्तु जरायोको जस्तो देखिने ओखेटोपहार (सिङ) समेत फेला परेको छ। जिल्ला प्रहरी कार्यालय सुर्खेतका प्रमुख प्रहरी उपरीक्षक सुधिरराज शाहीले पक्राउ परेका विधान शाही यसअघि पनि आपराधिक कार्यमा संलग्न रहेको आएको बताए। लागुऔषध कारोबारका क्रममा उनीहरुले व्यक्तिगत सुरक्षाका लागि पेस्तोल सहितका हातहतियार प्रयोग गर्ने गरेको प्रहरी उपरीक्षक शाहीले बताए। पक्राउ परेका दुवै जनाविरुद्ध हातहतियार, लागुऔषध र वन्यजन्तु ओखेटोपहार कसुरमा मुद्दा चलाइएको प्रहरीको भनाइ छ।

प्रतिक्रिया दिनुहोस्
अन्य समाचारहरु
। संघीय खानेपानी मन्त्री प्रदीप यादवले नेपालमा रहेका कुनै पनि समुदाय विकासको मूलधारबाट पछाडि नपरोस् भन्ने सरकारको स्पष्ट एवं प्रमुख उद्देश्य रहेको बताएका छन् । सुनसरीस्थित ‘झुम्का सहरी खानेपानी तथा सरसफाइ आयोजना’ को उद्घाटन समारोहलाई सम्बोधन गर्दै मन्त्री यादवले सरकारको प्रयास, खानेपानी क्षेत्रलाई सामाजिक न्याय र समावेशी विकाससँग जोड्दै सबै समुदायलाई समान रूपमा सेवा पुर्‍याउने दिशामा ...
वर्षमानको आरोप- आरजु र जयवीर देखाएर ओलीले कांग्रेस तर्साइरहेका छन्
। काभ्रेको भुम्लु गाउँपालिका–८ पौवास्थित भित्री सडक खण्डमा यात्रुबाहक बस दुर्घटनामा परेको छ । शनिबार दिउँसो भएको उक्त दुर्घटना ब्रेक फेल भएर भएको बताइएको छ । यद्यपि घटनाबारे थप अनुसन्धान जारी छ । रामेछापको डोरखानीबाट काठमाडौंतर्फ जाँदै गरेको बा ३ ख ८४०८ नम्बरको बस दुर्घटनामा परेको हो । बस सडकको भित्तामा ठोक्किएर दुर्घटनामा परेको थियो । बसमा सवार ...
: तोडफोड र कुटपिट गरेको भन्दै प्रहरीले बिरुवा र हरिनास गाउँपालिकाका दुई जनालाई प्रहरीले पक्राउ गरेको छ। बिरुवा गाउँपालिकाका २७ वर्षीया बिक्रम राना र हरिनास गाउँपालिकाका २१ वर्षीय सविन भन्ने योगेन्द्र मानन्धरलाई कास्कीबाट पक्राउ गरी कारबाही प्रक्रिया अगाडि बढाइएको प्रशन्नराज चौधरीले जानकारी दिए। उनीहरूले दुवै जनामाथि असार १० गतेका दिन हरिनास गाउँपालिका ...
। उपप्रधान एवं शहरी विकास मन्त्री प्रकाशमान सिंहले पार्टीका नेता कार्यकर्ताहरूले आफूलाई अबको पार्टी सभापतिका रुपमा हेर्न चाहेको बताएका छन् । शनिबार राष्ट्रिय समाचार समिति (रासस) सँगको संवादका क्रममा सिंहले आफू सभापति र प्रधानमन्त्रीबाहेक सबै पदमा रहिसकेको दृष्टान्त सुनाउँदै सभापतिको स्वभाविक दाबेदार रहने बताएका हुन् । आफू सामान्य कार्यकर्ता हुँदै काम गर्दै आएको, सभापतिमा पनि एक पटक ...