: इजरायलले आफ्नो सेनाले सिरियाली राजधानी दमास्कसस्थित सेनाको मुख्यालयमा आक्रमण गरेको बताएको छ।
सिरियाली स्वास्थ्य मन्त्रालयले यस आक्रमणमा एक जनाको मृत्यु भएको र १८ जना घाइते भएको बताएको छ।
‘चेतावनीको समय सकिएको छ। अब कठोर र पीडादायी प्रहार हुनेछन्,’इजरायलका रक्षामन्त्री इजरायल कान्ट्जले भने। इजरायलले दक्षिण–पश्चिमी सिरियामा रहेको ड्रुज समुदायलाई जोगाउन प्रयास गरिरहेको बताएको छ।
प्रधानमन्त्री बेन्जामिन नेतान्याहूले भने,‘हामी हाम्रा ड्रुज भाइहरूलाई बचाउन र सिरियाली शासनको गिरोहलाई नष्ट गर्न काम गरिरहेका छौँ।’
उनले ड्रुज समुदायका इजरायली सदस्यलाई सिरियामा सीमा पार नगर्न पनि आग्रह गरे।
सिरियाली सरकारले आक्रमणको निन्दा गरेको छ। सिरियाले आक्रमणलाई आपराधिक र गैरकानूनी व्यवहार भनेको छ।
