: युक्रेनी राष्ट्रपति भोलोडिमिर जेलेन्स्कीले देशको सरकारमा ठुलो फेरबदल गरेका छन्। उनले वर्तमान प्रधानमन्त्री डेनिस श्मिहाललाई हटाएर युलिया स्विरिडेन्कोलाई नयाँ प्रधानमन्त्री नियुक्त गरेका छन्।
युक्रेनको रुससँगको युद्ध चौथो वर्षमा प्रवेश गरेका बेला जेलेन्स्कीको सरकार पुनर्गठन भएको हो। युलिया स्वीरिडेन्कोलाई देशको नयाँ प्रधानमन्त्री बनाउने प्रस्ताव संसदमा राखिएको छ। यसअघि प्रधानमन्त्री श्मीहालले आफ्नो पदबाट राजीनामा दिएका थिए।
श्मिहाल सबैभन्दा लामो समयसम्म प्रधानमन्त्री रहने व्यक्ति हुन्। श्मिहाललाई अब रक्षामन्त्रीको जिम्मेवारी दिइएको छ।
युलिया स्विरिडेन्कोले अमेरिका र युक्रेनबीचको खनिज सम्झौतामा महत्त्वपूर्ण भूमिका खेलेकी थिइन्। उनले पश्चिमी देशहरूसँग केही उच्च–स्तरीय बैठकमा देशको प्रतिनिधित्व गरिसकेकी छन्।
