: भारतीय अभिनेता तथा निर्माता धीरज कुमारको निधन भएको छ। ८० वर्षीय धीरजको मंगलबार मुम्बईको धीरुभाइ अम्बानी अस्पतालमा निधन भएको हो।
निमोनियाका कारण उनलाई शनिबार अस्पताल भर्ना गरिएको थियो। उपचारका क्रममा आज बिहान ११ : ३० बजे निधन भएको बीबीसीमा समाचार छ।
उनले 'उधर का सिन्दूर','सरगम', 'रोटी कपडा और मकान','स्वामी','रातों का राजा', 'हीरा पन्ना', 'क्रांति', 'माङ भरो सजना', 'पुरानो मन्दिर', 'कर्म युद्ध', 'बहुरूपिया'लगायत दर्जनौं फिल्महरूमा काम गरेका छन्।
सन् १९८६ मा धीरज कुमारले आफ्नो निर्माण कम्पनी 'क्रिएटिभ आइ' स्थापना गरेका थिए। यस निर्माणमा धेरै चलचित्रहरू बाहेक लोकप्रिय पौराणिक धारावाहिकहरू पनि निर्माण भएका थिए।
