। दोलखा भिमेश्वर नगरपालिका वडा नं.७ पुवालेको लामोसाघुँ–जिरी सडक–खण्डमा गाडी र स्कुटर दुर्घटना हुँदा २ जना घाइते भएका छन् ।
शुक्रबार ४:३० बजे चरिकोटबाट मकैबारीतर्फ जाँदै गरेको प्रदेश ३–०१–०२३ च ५९२८ नम्बरको गाडी र विपरीत दिशाबाट आउँदै गरेको बा.प्र. ०२–०५५ प ०७५२ नम्बरको स्कुटर एकआपसमा ठक्कर खाइ सवारी दुर्घटना भएको हो ।
स्कुटरमा सवार सुनसरी बराहक्षेत्र नगरपालिका–३ की ३३ वर्षीया बिमला राई र भक्तपुर सुर्यविनायक नगरपालिका–८ का २३ वर्षीय कृषखालिङ अधिकारी रहेको जिल्ला प्रहरी कार्यालय दोलखाका प्रमुख ज्ञानकुमार महतोले जानकारी दिए ।
उनका अनुसार राईको निधारमा चोट तथा अधिकारीको दाहिने हातको पाता र बायाँ खुट्टाको घुँडामा चोट लागेको छ ।
घाइतेहरूलाई उपचारको लागी पशुपति चौलागाईं स्मृती अस्पताल चरिकोट दोलखामा पठाइएको छ । दुवै सवारी साधन प्रहरीले नियन्त्रणमा लिएको छ ।
