— अमेरिकाको टेक्सास राज्यमा आएको बाढीमा परी अहिलेसम्म ७८ जनाको मृत्यु भइसकेको छ भने ४१ बेपत्ता छन् ।
सबैभन्दा धेरै क्षति केर काउन्टीमा भएको छ । जहाँ ३८ बालबालिकासहित ६८ जनाको मृत्यु भएको छ । राहत तथा उद्धार अभियान जारी राखिएको छ । अधिकारीहरुले मृतकको संख्या बढ्नसक्ने बताएका छन् ।
बाढीका कारण केर काउन्टीको नदी किनारास्थित क्याम्प मिस्टिक गम्भीर रुपमा प्रभावित भएको छ । यहाँ १० जना किशोरी र एक काउन्सलर अहिलेसम्म बेपत्ता छन् । खोज अभियानलाई यहाँ केन्द्रित गरिएको छ ।
स्थानीय अधिकारीका अनुसार अहिलेसम्म २८ जनाको शब बरामद गरिएको छ । जसमा १० जना बालबालिका रहेका छन् । तर उनीहरुको अहिलेसम्म पहिचान भएको छैन ।
टेक्सासका गभर्नर ग्रेग अबोटले कुनै पनि बेपत्ता मानिसको उद्धारका लागि सक्दो प्रयास गर्ने बताएका छन् । मौसम विभागले आगामी २४ देखि ४८ घण्टाभित्र यस क्षेत्रमा तुफान आउनेसक्ने चेतावनी दिएको छ ।
