मुख्य समाचार
प्रतिनिधिसभा अन्तर्गत शिक्षा, स्वास्थ्य तथा सूचना प्रविधि समितिमा फेरि पनि विद्यालय शिक्षा विधेयकमा सहमति जुट्न सकेन
प्रतिनिधिसभा अन्तर्गत शिक्षा, स्वास्थ्य तथा सूचना प्रविधि समितिमा फेरि पनि विद्यालय शिक्षा विधेयकमा सहमति जुट्न सकेन

: प्रतिनिधिसभा अन्तर्गत शिक्षा, स्वास्थ्य तथा सूचना प्रविधि समितिमा फेरि पनि विद्यालय शिक्षा विधेयकमा सहमति जुट्न सकेन। सरकारले बढुवासम्बन्धी नयाँ प्रावधान ल्याएको भन्दै विधेयकमा सहमति नजुटेको हो।



समितिका सभापति अम्मरबहादुर थापाले सरकारले नै नयाँ-नयाँ प्रावधान ल्याएर विधेयक अड्काएको आरोप लगाए। उनले शिक्षा मन्त्री रघुजी पन्तलाई पाँच दिनभित्र सहमति जुटाएर ल्याउन अल्टिमेटम पनि दिए।



'पाँच दिनभित्र बहादुरीका साथ सहमति गरेर ल्याउनुभयो भने धन्यवाद दिन्छु। सहमति पनि जे विषय हो त्यसमै गर्नुपर्‍यो। नयाँ एजेन्डा लिएर नआउनुहोला। अबको छैटौं दिन बैठक बस्छ,' सभापति थापाले भने।




सभापतिले समय दिँदै गर्दा मन्त्री पन्तले समय नतोक्न आग्रह गरेका थिए। 'अहिल्यै समय नतोकौं। त्यसभन्दा अघि नै पनि बैठक बस्न सकिन्छ,' मन्त्री पन्तले भने।

सभापति थापाले पाँच दिनअघि जहिले भने पनि बैठक बोलाउन तयार रहेको बताए। तर, अब समितिलाई खेलाउनजस्तो खेलाउन नपाउने उनले बताए।

'समिति र माननीयहरूलाई खेलाउन जस्तो खेलाएर भएन। घरी बैठक बोलाउ भन्ने, घरी बैठक स्थगित गरौं भन्ने अब मान्य हुँदैन। पाँच दिनभित्र सहमति गरेर आउनुस् कि विधेयक फिर्ता लैजानुस्,' सभापति थापाले भने। उनले समितिलाई अनिर्णयको घेराबन्दीमा पार्नुभन्दा विधेयक नै फिर्ता लिएर जान मन्त्री पन्तलाई आग्रह गरेका थिए।

उनले व्यक्तिपिच्छे फरक-फरक कुरा सुनेर कानुन बनाउन नसकिने बताए। 'यही तरिकाले फरक-फरक व्यक्तिको कुरा सुनेर कानुन बनाउन सकिँदैन। पहिले ६०-४० को विषय अड्किएको थियो। अहिले त्यसमा सहमति जुटेपछि बढुवाको विषय अड्किएको छ,' उनले भने। सभापति थापाले सिनियरिटी र कार्यसम्पादनको हिसाबले माथिल्लो पदमा बढुवा हुने प्रावधान रहेको मन्त्री पन्तलाई जानकारी गराएका थिए।

प्रतिक्रिया दिनुहोस्
अन्य समाचारहरु
: दाङमा बाघको छालासहित तीनजना पक्राउ परेका छन्। जिल्ला प्रहरी कार्यालय दाङले दाङमा बाघको छालासहित तीनजना पक्राउ परेको सार्वजनिक गरेको हो। दाङको गढवा गाउँपालिका–६ खवरी गाउँबाट वन्यजन्तु बाघको छाला (ओखेटोपहार)सहित तीनजना व्यक्ति पक्राउ परेका हुन् । गोप्य सूचनाका आधारमा इलाका प्रहरी कार्यालय लमहीको टोलीले विशेष अपरेशन सञ्चालन गर्दै उनीहरूलाई नियन्त्रणमा लिएको दाङ प्रहरीले जनाएको छ। सूचनाको ...
: प्रतिनिधिसभाका सभामुख देवराज घिमिरेले ऐन कामको पूर्ण पालन गरी बेरुजु नबनाउने गरी काम गर्नेतर्फ जोड दिन जरुरी रहेको बताएका छन्। प्रतिनिधिसभा अन्तर्गतका सार्वजनिक लेखा समितिले आइतबार सिंहदरबारमा आयोजना गरेको बेरुजु सम्बन्धी राष्ट्रिय कार्यशाला गोष्ठी उद्घाटन गर्दै सभामुख घिमिरेले बेरुजूका कारण मुलुक आर्थिक रुपमा समस्यामा पर्ने देखिएकाले ऐन कामको पूर्ण पालन गर्नुपर्ने बताएका हुन्। वित्तीय सुशासन, ...
: झापामा विषालु सर्पले डस्दा एक बालकको मृत्यु भएको छ। सर्पले डस्दा कमल गाउँपालिका- ४ का अन्दाजी १० वर्षीय नवीन विकको मृत्यु भएको हो। गएराति हजुरबुवासँगै भुइँमा सुतेका नवीनलाई कालो गोमन सर्पले खुट्टामा टोकेको थियो। उनको घटनास्थलमै मृत्यु भएको कमल ४ का वडाध्यक्ष चन्द्रप्रसाद भट्टराईले बताए। बालकको मृत्युपछि घर आँगनमा खोजेर दुईवटा सर्प मारेका थिए। ज्योति आधारभूत ...
। वर्षासँगै आएको पहिरोले दोलखाको जिरी नगरपालिका वडा नम्बर ९ बसेरीमा रहेको झाँक्रे खोला जलविद्युत परियोजनाको टर्बाइनमा क्षति पुर्याएको छ । ६३५ किलोवाटको उक्त जलविद्युत परियोजनाको भवनको एक भाग पहिरोले पुरिँदा टर्बाइनमा क्षति पुगेको जिल्ला प्रहरी प्रमुख ज्ञानकुमार महतोले जानकारी दिए । ‘उर्लेनी चौकीबाट प्रहरी घटनास्थलमा पुगेको छ, थप के–केमा क्षति भयो भन्ने त्यसपछि थाहा हुन्छ’ ...
: सुन चोरीको आरोपमा वालिङ नगरपालिकाबाट २ जना युवा पक्राउ परेका छन्। पक्राउ पर्नेमा वालिङ नगरपालिका ९ बस्ने ३२ वर्षीय दुर्गा बिक र चापाकोट नगरपालिका घर भई हाल वालिङ नगरपालिका बस्ने ३४ वर्षीया दीपा क्षेत्री रहेका छन्। आरोपितका साथबाट प्रहरीले सुनले जडान गरिएको पञ्चरत्ने बाला २ थान बरामद गरेको प्रहरी निरीक्षक प्रवेश तिवारीले बताए। वालिङ नगरपालिका-६ स्थित ...