। भारतीय गायक अरिजित सिंह विश्वप्रसिद्ध म्युजिक प्लाटफर्म ‘स्पोटीफाइ’मा ‘धेरै पछ्याइने संगीतकर्मी’ बनेका छन्।
उनका १५१ मिलियन भन्दा धेरै फलोअर छन् । उनले यस क्रममा चर्चित गायिका टेलर स्वीफ्टलाई पनि पछि पारेका छन् । टेलरको १३९ मिलियन फलोअर छन् ।
यसअघि गत वर्षको अगस्टमा पनि अरिजितले टेलरलाई उछिनेका थिए । २०२३ को अगस्टमा पनि अरिजित सिंहले स्वीफ्टलाई उछिनेर छोटो समयका लागि जित हासिल गरेपनि स्वीफ्ट पुनः अगाडि आएकी थिइन् ।
‘स्पोटीफाइ’मा १०० मिलियन पार गर्ने अरिजित पहिलो भारतीय कलाकार हुन् । यद्यपी मासिक श्रोताको गणनामा भने अरिजितभन्दा टेलर नै अगाडि छिन् । टेलरको ८२ मिलन मासिक श्रोता छन् भने अरिजितको ४७ मिलियन मासिक श्रोता छन् ।
बेलायती गायक एड सिरन १२१ मिलियन फलोअरसहित तेस्रो स्थानमा छन् । उनको मासिक श्रोता भने ९८ मिलियन छन् ।
मासिक श्रोता भने ब्रूनो मार्सका सबैभन्दा धेरै छन् । उनका ११३ मिलियन मासिक श्रोता छन् ।
