— मकवानपुर प्रहरीले घरबाट गाँजासहित एक जनालाई पक्राउ गरेको छ । कैलाश गाउँपालिका–९ ठुलोवारीस्थित ५५ वर्षीय अर्जुन रुम्वालाई १६८ केजी ३० ग्राम गाँजासहित प्रहरीले पक्राउ गरेको हो ।
गाँजा लुकाई–छिपाई गरी राखेको छ भन्ने सूचनाका आधारमा जिल्ला प्रहरी कार्यालय मकवानपुरबाट खटिएको प्रहरी टोलीले रुम्वालाई गाँजासहित घरबाट पक्राउ गरेको हो । रुम्वाले गोठभित्र गाँजाका पोका घाँस र स्याउलाले छोपी लुकाई–छिपाई राखेको अवस्थामा प्रहरीले खोजतलास गर्दा फेला पारेको हो ।
प्रहरीले रुम्वालाई मकवानपुर जिल्ला अदालत हेटौंडाबाट सात दिनको म्याद अनुमति लिई थप अनुसन्धान गरिरहेको जनाएको छ । उक्त गाउँपालिकाबाट प्रहरीले दुई दिनअघि १ हजार ७४ केजी गाँजासहित चार जनालाई पक्राउ गरेको थियो ।
