: क्यानडाले अमेरिकी प्रविधि कम्पनीहरूमाथि डिजिटल कर लगाउने आफ्नो योजना फिर्ता लिएको छ। अब अमेरिका र क्यानडाबीच व्यापारको बारेमा फेरि वार्ता सुरु हुनेछ।
क्यानाडाली अर्थ मन्त्रालयले जारी गरेको विज्ञप्तिमा प्रधानमन्त्री मार्क कार्नी र अमेरिकी राष्ट्रपति डोनाल्ड ट्रम्प यस विषयमा पुनः वार्ता गर्न सहमत भएको जनाएको छ।
यसअघि शुक्रबार राष्ट्रपति ट्रम्पले ठूला अमेरिकी प्राविधिक कम्पनीलाई कर लगाउने तयारी गरिरहेका कारण क्यानडाले व्यापार वार्ता रोकेको आरोप लगाएका थिए।
यस वर्षको सुरुमा दुई देशबीचको व्यापार तनाव बढेको थियो। एकअर्काको सामानमा कर लगाइएको थियो।
क्यानाडा सरकारको विज्ञप्तिमा भनिएको छ,‘धेरै ठूला प्राविधिक कम्पनीले क्यानाडामा कमाएको आम्दानीमा कर तिर्दैनन् भन्ने कारणले डिजिटल सेवा कर प्रस्ताव गरिएको हो। क्यानाडाको प्राथमिकता सधैं प्रत्येक देशमा फरक कर संरचना हटाउने अन्तर्राष्ट्रिय सम्झौता रहेको छ।’
विज्ञप्ति अनुसार क्यानडाले अमेरिकासहित अन्य अन्तर्राष्ट्रिय साझेदारसँग मिलेर साझा डिजिटल कर ढाँचा विकास गर्न काम गरिरहेको छ।
