: इरानले केही महिनाभित्रै बमका लागि युरेनियम प्रशोधन सुरु गर्ने संयुक्त राष्ट्रसंघको आणविक प्रमुखले बताएका छन्। अन्तर्राष्ट्रिय आणविक ऊर्जा एजेन्सीका प्रमुख राफेल ग्रोसीले गत सप्ताहन्तमा तीन इरानी क्षेत्रहरूमा अमेरिकी आक्रमणले गम्भीर तर पूर्णरूपमा क्षति भने नपुर्याएको बताए।
इरानको परमाणु केन्द्रहरू पूर्णरूपमा ध्वस्त भएको अमेरिकी राष्ट्रपति डोनाल्ड ट्रम्पको दाबीको खण्डन गर्दै ग्रोसीको यस्तो अभिव्यक्ति आएको हो। ‘सत्य कुरा भन्नुपर्दा, कसैले पनि त्यहाँ सबै पूर्णरूपमा नष्ट भयो र केही छैन भनेर दाबी गर्न सक्दैन’, ग्रोसीले भने।
इरान परमाणु हतियार बनाउने क्रमको निकै नजिक रहेको भन्दै गत जुन १३ तारिकमा इजरायलले इरानको आणविक र सैन्य क्षेत्रहरूमा आक्रमण गरेको थियो। पछि गएर अमेरिकाले पनि इरानका तीन आणविक केन्द्रहरू फोर्डो, नातान्ज र इस्फहानमा बम खसाल्यो। तर क्षतिको वास्तविक स्थिति अस्पष्ट छ। ग्रोसीले तेहरानले केही महिनाभित्रै युरेनियम प्रशोधन सुरु गर्न सक्ने सम्भावना औंल्याएका छन्।
