: एसीसी यू १६ ईस्ट जोन कपअन्तर्गत समूह चरणको अन्तिम खेलमा नेपालले भुटानविरुद्ध टस जितेर ब्याटिङ गर्ने भएको छ। मलेसियाको क्वालालम्पुरस्थित सेलांगर ट्रफमा जारी समूह ए को अन्तिम खेलमा नेपालले टस जितेको हो।
हालसम्म समूह चरणको तीनवटै खेलमा जित निकालेको नेपाल समूह विजेताको रुपमा सेमीफाइनल खेल्न चाहन्छ। यद्यपी समूह ए को भुटानको खेल अगावै नेपाल सेमिफाइनल प्रवेश गरिसकेको छ।
नेपालले पहिलो खेलमा सिङ्गापुरलाई ६ विकेट, दोस्रो खेलमा जापानलाई ९ विकेट र तेस्रो खेलमा इन्डोनेसिया विरुद्ध ३७० रनको विशाल जित हासिल गरेको थियो।
समूह ए बाट नेपाल र सिङ्गापुरले सेमिफाइनल खेल्नेछन्। नेपाल तीन खेलमा ६ अङ्क जोडेको छ भने सिंगापुरले चार खेलबाट ३ अंक जोडेको छ। आजको खेल जितेमा नेपाल समूह विजेता हुनेछ। जारी प्रतियोगितामा १० टोलीले सहभागिता जनाएका छन्। १० टोलीलाई दुई समूहमा विभाजन गरी प्रतियोगिता सञ्चालन भइरहेको छ। प्रतियोगिताको फाइनल जुलाई ५ मा हुनेछ।
