आन्दोलनरत शिक्षकहरूका माग संसद् बस्ने पहिलो दिन सम्बोधन गर्ने गरी सहमति खोज्नुपर्ने

। नेपाली कांग्रेसका महामन्त्री विश्वप्रकाश शर्माले आन्दोलनरत शिक्षकहरूका माग संसद् बस्ने पहिलो दिन सम्बोधन गर्ने गरी सहमति खोज्नुपर्ने बताएका छन् । शिक्षक महासंघको नेतृत्वमा २० चैतदेखि शिक्षकहरूले सरकारसँग आफ्ना माग पूरा गराउन निरन्तर प्रदर्शन गर्दैै आएका छन् ।

दाङमा शुक्रबार भएको नेपाली कांग्रेसको कार्यक्रममा बोल्दै महामन्त्री शर्माले शिक्षकको आन्दोलन र सम्बोधन गर्नुपर्ने सातबुँदा राखे । महामन्त्री शर्माले अध्यादेश ल्याएर शिक्षकका माग पुरा गर्दा संवैधानिक प्रश्न उठ्ने बताए ।

‘प्रक्रियामा थप १ महिना अरु समय लाग्दा फरक पर्दैन । शिक्षक महासंघ संसदीय समितिमा विचाराधीन विधेयकलाई अध्यादेश मार्फत जारी गर्दा निश्चय नै संवैधानिक र कानुनी प्रश्न उठ्छ भन्ने वास्तविकता प्रति स्पष्ट रहनुपर्छ,’ शर्माले भने ।

विधेयक संसद्को आगामी अधिवेशन शुरु हुने पहिलो दिन नै पेश गर्ने गरी सहमतिमा खोज्नुपर्ने उनले बताए । शिक्षा विधेयक समयमै संसदीय समितिबाट पारित गरेर अघि बढ्न भएको ढिलाइमा एक दलले अर्को दललाई दोष लगाएर हामी उम्किन नमिल्ने महामन्त्री शर्माले बताए ।

महामन्त्री शर्माले शिक्षकका माग सम्बोधन गर्न प्रधानमन्त्री केपी शर्मा ओलीले तदरुकता लिनुपर्ने बताए ।

प्रतिक्रिया दिनुहोस्

अन्य समाचारहरु

हत्या आरोपीलाई उन्मुक्ति दिन खोजिएको भन्दै अदालतबाहिर धर्ना

— परोहा नगरपालिका–२, जिंगडवाका ६५ वर्षीय शेख मतिनको हत्याका आरोपितलाई उन्मुक्ति दिन लागिएको भन्दै परिवारजन र आफन्तहरू सोमबार न्यायको माग गरिएका प्लेकार्ड र मनमा आक्रोश बोकेर जिल्ला अदालतको गेट नजिक धर्नामा बसे । पीडितलाई न्याय दिलाउने अन्तिम आश्रयस्थल मानिने अदालतको गेटबाहिर पीडितका आफन्त र स्थानीय युवा 'हत्यारालाई कारबाही गर्, मृतक शेख मतिनलाई न्याय दे, अन्यायको ...

कुनै पनि नागरिक घरबारविहीन हुने अवस्था सिर्जना हुन दिइने छैन

— प्रधानमन्त्री बालेन्द्र शाहले सुकुम्बासी बस्ती हटाउन चालिएका कदमहरू नागरिक हटाउने उद्देश्यले नभई आवासको हक सुनिश्चित गर्दै समस्याको स्थायी समाधान खोज्नका लागि भएकाे बताएका छन्। पछिल्लो समय यस विषयमा विभिन्न टिप्पणी र व्याख्या सार्वजनिक भइरहेका बेला उनले फेसबुकमार्फत आफ्नो धारणा सार्वजनिक गरेका हुन्। प्रधानमन्त्री शाहले अव्यवस्थित बसोबासमा रहेका नागरिकहरूबीच उठिबास हुने त्रास फैलाउने प्रयास भइरहेकोप्रति सरकार गम्भीर ...

संवैधानिक परिषद्सम्बन्धी अध्यादेश सरकारले पुनः पठाएपछि जारी गर्ने राष्ट्रपतिको तयारी

— राष्ट्रपति रामचन्द्र पौडेलले आइतबार फिर्ता पठाएको संवैधानिक परिषद् (काम, कर्तव्य, अधिकार र कार्यविधि) सम्बन्धी अध्यादेश सरकारले कुनै परिवर्तन नगरी पुनः राष्ट्रपतिसमक्ष सिफारिस गरेको छ । सोमबार बसेको मन्त्रिपरिषद् बैठकले यथास्थितिमै अध्यादेश पुनः पठाउने निर्णय गरेको हो । शीतल निवास स्रोतका अनुसार साँझ मात्रै अध्यादेश प्राप्त भएकाले त्यसको अध्ययन गरेर जारी हुने सम्भावना छ । वरिष्ठ अधिवक्ता चन्द्रकान्त ज्ञवाली ...

व्यवसायी शेखर गोल्छालाई प्रहरीको केन्द्रीय अनुसन्धान ब्युरो (सीआईबी) ले पुनः पक्राउ

— व्यवसायी शेखर गोल्छालाई प्रहरीको केन्द्रीय अनुसन्धान ब्युरो (सीआईबी) ले पुनः पक्राउ गरेको छ । सर्वोच्च अदालतका न्यायाधीश महेश शर्मा पौडेल र श्रीकान्त पौडेलको इजलासले सोमबार उनलाई धरौटीमा छाड्न आदेश दिए पनि राति उनी पक्राउ परेका हुन् । सीआईबीका एसएसपी शिवकुमार श्रेष्ठले उनीविरुद्ध दुई फरकफरक मुद्दामा अनुसन्धान भइरहेकाले नियन्त्रणमै राखिएको कान्तिपुरलाई बताए । ‘धितोपत्र सम्बन्धी ऐनअन्तरगतको ...

निजी क्षेत्रलाई दबाब समूहबाट विकास साझेदारमा रूपान्तरण गर्ने आधार बनाएको छु

— नेपाल उद्योग वाणिज्य महासंघको तीनवर्षे कार्यकाल पूरा गर्दै अध्यक्षबाट बाहिरिन लागेका चन्द्रप्रसाद ढकालले निजी क्षेत्रको नेतृत्व सम्हालेको अवधिमा अनेक चुनौती र अवसरसाग साक्षात्कार गरे । कोभिडपछिको आर्थिक सुस्तता, घट्दो लगानी, उच्च ब्याजदर र नीतिगत अनिश्चितताबीच उनले निजी क्षेत्रको आवाजलाई संगठित गर्ने र सरकारसाग संवाद बढाउने प्रयास गरे । पूर्वाधार, ऊर्जा, पर्यटन र वित्तीय क्षेत्रसाग जोडिएका नीतिगत बहसहरूमा ...