। रोमान्टिक कमेडी ड्रामा ‘द लाइफ लिस्ट’ पछिल्लो साता नेटफ्ल्क्सिमा सबैभन्दा धेरै हेरिने फिल्म बनेको छ । सिरिजतर्फ भने लगातार तेस्रो साता ‘द अडोलसेन्स’ धेरै हेरिने सूचीको शीर्षस्थानमा छ ।
कथानक फिल्म ‘द लाइफ लिस्ट’ यसैसातादेखि सूचीको शीर्षस्थानमा उक्लिएको हो । एडम ब्रुक्सद्वारा निर्देशित र लिखित, यो फिल्म लोरी नेल्सन स्पिलम्यानको २०१३ को सोही नामको उपन्यासको रूपान्तरण हो ।
यो फिल्म एलेक्स रोज नामक पात्रको कथामा आधारित छ, जसको भूमिकामा सोफिया कार्सन अभिनय गरेकी छन् । एक युवती जो शिक्षण सपनालाई पछ्याउनुको सट्टा आफ्नी आमाको सौन्दर्य प्रसाधन कम्पनीमा काम गर्दै जोसहिन जीवनमा फसेको महसुस गर्छिन् ।
उनकी आमा, एलिजाबेथ (कोनी ब्रिटन)को क्यान्सरबाट मृत्यु भएपछि, एलेक्सले आफू उत्तराधिकारी बन्न १३ वर्षको उमेरमा लेखिएको बाल्यकालको इच्छा सूची (बकेट लिस्ट) लिस्ट पूरा गर्नुपर्छ । पियानोमा ‘क्लेयर डे लुन’ बजाउने, साँचो प्रेम खोज्ने जस्ता प्रत्येक कार्य उनकी आमाबाट पूर्व-रेकर्ड गरिएको डीभीडीको सन्देशको साथ आउँछ, जसले उनलाई आत्म-खोज तर्फ डोर्याउँछ ।
कलाकारमा ब्राडको भूमिकामा काइल एलेन, इच्छापत्रको निरीक्षण गर्ने आकर्षक वकिल ग्यारेटको भूमिकामा सेबास्टियन डे सुजा, एक सहकर्मी र रोमान्टिक इन्ट्रेस्टको पात्रमा जोसे जुनिगा, मारियान रेन्डोन र फेडेरिको रोड्रिगेज जस्ता सहायक कलाकारहरू समावेश छन् ।
यो फिल्मलाई लिएर क्रिटिकले मिश्रित प्रतिक्रिया दिएका छन् । केहीले कार्सन र ब्रिटनको अभिनयको प्रशंसा गरेका छन् भने केहीले फिल्मको प्रस्तुतिकरणको प्रशंसा गरेका छन् । केहीले यसलाई प्रेडिक्टेबल र निल्न कठिन फिल्मको रुपमा ब्याख्या गरेका छन् । २ घण्टा ५ मिनेट रनटाइमको यो फिल्मलाई २ करोड ४४ लाख पटक हेरिएको छ ।
यस साता धेरै हेरिएका १० नेटफ्ल्क्सि फिल्म :
१) द लाइफ लिस्ट
२) द इलेक्ट्रिक स्टेट
३) कन मम
४) डेन अफ थिभ्स २ : पान्टेरा
५) द ट्विस्टर : कट इन द स्टोर्म
६) द ट्विस्टर : कट इन द स्टोर्म
७) अ क्वाइट प्लेस : डे वन
८) डेस्पिक्टेबल मी ४
९) प प्याट्रल : द माइटी मूभी
१०) प्लाङ्क्टन : द मूभी
सिरिजतर्फ ‘द एडोलसन्स’ शीर्षस्थानमा
रिलिजको ३ सातापछि पनि समीक्षकले निकै प्रशंसा गरेको श्रृंखला ‘एडोलेसन्स’ नेटफ्लिक्सको सबैभन्दा लोकप्रिय टिभी कार्यक्रमहरू मध्ये एक हो जसलाई अहिलेसम्म ९६.७ मिलियन पटक हेरिएको छ । यो हप्ता ३०.४ मिलियन पटक हेरिएएको छ । अंग्रेजी टिभी चार्टमा शीर्ष स्थानमा छ र ९३ देशहरूमा शीर्ष १० मा छ ।
