। उद्योग, वाणिज्य तथा आपूर्ति मन्त्रालय अन्तर्गतको वाणिज्य, आपूर्ति तथा उपभोक्ता संरक्षण विभागले सिमेन्टको प्याकेट तथा फलामे डन्डीको बन्डलमा ‘फ्याक्ट्री गेट प्राइस’ (एफजीपी) राख्न निर्देशन दिएको छ ।
विभागले एक सूचना जारी गर्दै सम्बन्धित उद्योगीहरूलाई उत्पादित सिमेन्टको प्याकेट तथा फलामे डन्डीको बन्डलमा अनिवार्य एफजीपी राख्न निर्देशन दिएको हो ।
त्यसैगरी डिलर विक्रेताले बिक्री गर्ने वस्तुको अनिवार्य रूपमा ब्रान्डसहित अधिकतम खुद्रा मूल्य (एमआरपी) सूची सर्वसाधारण उपभोक्ताले बुझ्ने गरी अंग्रेजी वा नेपाली भाषामा लेखी बिक्री वितरण गर्न उत्पादकलाई विभागले निर्देशन दिएको छ ।
