— म्यानमारमा शुक्रबार आएको भूकम्पमा परी अहिलेसम्म १४४ जनाको मृत्यु हुनुका साथै ७३२ भन्दा बढी घाइते भएका छन् ।
अन्तर्राष्ट्रिय सञ्चार माध्यमका अनुसार म्यानमारको सैन्य शासन प्रमुख मिन अङ्ग हल्येङ्गले उक्त जानकारी दिएका हुन् । उनले मृतक र घाइतेहरुको संख्या अझै बढ्न सक्ने बताएका छन् ।
यता थाइल्यान्डमा सोही भूकम्पमा परी एक घर ढलेको छ । जसमा तीन जनाको मृत्यु भएको छ । यद्दपि थाइल्यान्डले यसबारे अन्य जानकारी दिएको छैन ।
शुक्रबार म्यानमारमा ७.७ रेक्टरस्केलको भूकम्प आएको थियो । भूकम्पबाट कैयौं संरचना ध्वस्त बनेका छन् ।
