। नेपाली राष्ट्रिय क्रिकेट टिमका मुख्य स्पीनर तथा नेपाल पुलिस क्लबका खेलाडी ललित राजवंशीले प्रधानमन्त्री कप क्रिकेटमा १०० विकेट पूरा गर्दै कीर्तिमान कायम गरेका छन् ।
उनी पीएम कपमा १०० विकेट पूरा गर्ने पहिलो खेलाडी बनेका हुन् । अहिले भइरहेको कर्णाली प्रदेशसँगको खेलमा विकेट लिँदै उनले यो कीर्तिमान आफ्नो नाममा गरेका हुन् ।
उनले ४२ खेलमा विकेट संख्या १०१ पुर्याएका छन्। उनीपछि दोस्रो स्थानमा त्रिभुवन आर्मीका शाहब आलमको ९९ विकेट छ । उनलाई पनि अब हुने खेलमा विकेट लिँदै यो सफलता हात पार्ने मौका छ ।
जारी पीएम कपमा ललितको उच्च प्रदर्शनमा नेपाल पुलिस क्लब अपराजित छ भने आर्मीका लागि पनि शाहबले शानदार बलिङ गरिरहेका छन् ।
दुवै खेलाडीको टोली पीएम कपको फाइनल नजिक छन् ।
