मुख्य समाचार
एसियन कप छनोट : मलेसियाविरुद्ध खेल्न नेपाल तयार
एसियन कप छनोट : मलेसियाविरुद्ध खेल्न नेपाल तयार

। सन् २०२७ मा हुने एएफसी एसियन कपको अन्तिम चरणको छनोटमा नेपालले मंगलबार मलेसियाको सामना गर्दैछ । मलेसियाविरुद्धको खेलका लागि नेपाली टोली तयारी अवस्थामा छ । सोमबार भएको प्रि म्याच कन्फ्रेन्समा नेपालका मुख्य प्रशिक्षक म्याट रोसले मलेसियाविरुद्ध उत्कृष्ट प्रदर्शन गर्ने बताए ।

समूह एफमा रहेको नेपाल र मलेसियाबीचको खेल इब्राहिम सुल्तान स्टेडियममा नेपाली समय अनुसार राती ७:४५ बजे सुरु हुनेछ । एसियन कपमा पुग्ने अन्तिम चरणको चरणमा दुवै टोलीको लागि यो पहिलो खेल हुनेछ । दुवै टोली सुखद सुरुवात गर्ने लक्ष्यमा छ ।




गत शुक्रबार सिंगापुर विरुद्ध मैत्रीपूर्ण खेल जितेर नेपाली टोली उत्साहका साथ मलेसिया पुगेको छ र त्यही लयलाई निरन्तरता दिँदै मलेसियाविरुद्ध कडा चुनौती पेश गर्ने लक्ष्यमा छ ।

प्रशिक्षक रोसले आफूहरू ३ अंककै लागि खेल्ने प्रतिक्रिया दिएका छन् । ‘मलेसिया बलियो टिम हो, ड्र सम्म भएपनि सन्तुष्ट हुन सकिन्छ तर हामी ३ अंककै लागि खेल्नेछौं’ प्रिम्याच कन्फ्रेन्समा बोल्दै उनले भने, ‘हाम्रो योजना भनेको जित्नकै लागि खेल्ने हो, त्यसैअनुसार तयारी भइरहेको छ । बराबरी नै खेल्ने भन्ने सोच हुने छैन।’




त्यस्तै प्रशिक्षक किरण चेम्जोङले अवे मैदान भएपनि राम्रो खेल पस्कने बताएका छन् । ‘हामी नेपालमा पनि धेरै दर्शकहरूको माझमा खेलिसकेका छौं, यहाँ पनि नेपाली समर्थकहरू त हुनुहुन्छ नै’ उनले भने, ‘घरेलु मैदान नभएपनि त्यस्तो फरक पर्दैन, हामी खेल इन्जोए गर्नेछौं यहाँ जुन टिमको दर्शकहरू धेरै भएपनि हामीलाई त्यस्तो फरक पर्दैन। ‘



सिंगापुरमा नेपालको खेल हेर्न नेपाली दर्शकहरुको बाक्लो उपस्थिती थियो । मलेसियामा पनि नेपालीहरु धेरै रहेकोले नेपालको खेल हेर्न उपस्थित हुनेछन् । कप्तान किरण चेम्जोङले धेरै समर्थकहरु आउँदा फाइदा हुने बताएका हुन् ।

रोसको प्रशिक्षणमा नेपालले एसियन कप छनोटमा पहिलो खेल खेल्दैछ । उनको प्रशिक्षण डेब्युमा नेपालले शुक्रबार सिंगापुरलाई १-० ले पराजित गरेको थियो ।

मलेसियाका मुख्य प्रशिक्षक पिटर क्लामोभ्स्कीले नेपाल विरुद्धको खेलको लागि तयार रहेको बताएका छन् । ‘हामी भोलीको खेलका लागि उत्साहित छौँ । हामी खेलको लागि तयार छौँ ।’

प्रशिक्षक पिटले नेपालले सिंगापुरलाई हराएकोले नेपाललाई कमजोर नलिने पनि बताएका छन् । ‘हामी कसरी खेल्छटौँ म त्यसमा केन्द्रित हुन्छु । तर नेपालले सिंगापुरलाई हराएपछि उनीहरु हाम्रो लागि कठिन प्रतिस्पर्धी हुनेछौँ । उनीहरु यहाँ नतिजाका लागि उच्च मनोबलका साथ आएका हुन्छन् ।’

उनले आफ्नो सिद्धान्त अनुसार खेलेमा नतिजा आउने बताए ।

यस्तै खेलाडी म्याथ्यु डेभिसले पनि मलेसियन टिमले राम्रो तयारी गरेको र खेलका लागि तयार रहेको बताए । ‘हाम्रो तयारीबाट हामी सन्तुष्ट छौँ । हामी सकरात्मक नतिजा निकाल्ने आशामा छौँ।’

डेभिसले नयाँ प्रशिक्षकको लागि सरकरात्मक नतिजा दिने बताए । पिटर गत डिसेम्बरमा मलेसियाको मुख्य प्रशिक्षक नियुक्त भएका थिए । उनको प्रशिक्षणमा मलेसियाको यो पहिलो खेल हुनेछ ।

नेपालले अहिलेसम्म मलेसियालाई हराउन सकेको छैन । वरियतामा पनि मलेसिया नेपाल भन्दा ४३ स्थान माथि छ । हाल मलेसिया १३२औं र नेपाल १७५औं स्थानमा छ ।

पछिल्लो पटक नेपालले सन् २०१९ मा मलेसियासँग मैत्रीपूर्ण खेल खेलेको थियो । उक्त खेलमा नेपाल २-० ले पराजित भएको थियो । नेपाल र मलेसियाबीच अहिलेसम्म ७ खेल भएको छ । जसमा ६ खेल मलेसियाले जित्दा १ खेल बराबरीमा सकिएको थियो ।

सन् १९८३ मा भएको मर्डेका कपमा नेपाल मलेसियासँग ७-० ले पराजित भएको थियो । त्यसपछि नेपालले सन् १९८५ र १९८९ मा विश्वकप छनोट अन्तर्गत मलेसियासँग २-२ खेल खेलेको थियो । १९८५ मा पहिलो खेलमा मलेसियालाई बराबरीमा रोकेको नेपाल दोस्रो खेलमा ५-० ले पराजित भएको थियो । १९८९ मा भने नपाल २-० र ३-० ले पराजित भएको थियो ।

यस्तै २००९ मा भएको मैत्रीपूर्ण खेलमा पनि नेपाल मलेसियासँग २-० ले पराजित भएको थियो । एसियन कप छनोटको पहिलो खेल नेपालले मलेसियासँग घरेलु मैदानमा खेल्ने तय भएपनि दशरथ रंगशालमाले मान्यता नपाउँदा नेपालले मलेसियामा गएर खेल्न लागेको हो ।

दशरथ रंगशालालाई एएफसीले अन्तर्राष्ट्रिय खेल खेलाउन तत्काल मान्यता नदिएपछि नेपालले मलेसियासँग होम म्याच स्वाप गरेको हो । जस अनुसार नेपालको होम म्याच मलेसियाको मैदानमा खेल्ने र मलेसियाको होम म्याच पछि नेपालमा खेल्ने सहमति छ ।

एसियन कप छनोटको तेस्रो तथा अन्तिम चरणमा एसियाका २४ राष्ट्रले प्रतिस्पर्धा गर्नेछन् । नेपाल र मलेसियासहित भियतनाम र लाओस समूह एफमा छन् ।

होम एण्ड अवेका आधारमा हुने यस छनोटपछि प्रत्येक समूहको शीर्ष स्थानमा रहने टोली २०२७ मा हुने एसियन कपमा छनोट हुनेछन् । एसियन कपका लागि १८ टोली यसअघि नै छनोट भइसकेका छन् ।

प्रतिक्रिया दिनुहोस्
अन्य समाचारहरु
: हङकङमा जारी चार देशीय टी-२० आई श्रृङ्खलाको उपाधिका लागि नेपालले आज कुवेतसँग खेल्दैछ। अङ्क तालिकाको शीर्ष स्थानमा रहेको नेपालले दोस्रो स्थानमा रहेको कुवेतसँग फाइनल खेल्नेछ। फाइनल खेल नेपाली समय अनुसार ११:१५ मा सुरु हुनेछ। नेपालले पहिलो खेलमा कतारलाई ८ विकेटले पराजित गरेको थियो। दोस्रो खेलमा नेपालले कुवेतलाई ६ विकेटले हराउँदा तेस्रो खेल नतिजाविहीन बनेको थियो। नेपाल ...
: आइसिसी यू-१९ विश्वकप एसिया क्वालिफायर आजदेखि नेपालमा सुरु हुँदैछ। मूलपानीको तल्लो र माथिल्लो दुई मैदानमा खेल सञ्चालन हुनेछ। आज तल्लो मूलपानीमा नेपालले युएइसँग खेल्नेछ। खेल बिहान ९ बजेबाट सुरु हुनेछ। माथिल्लो मूलपानीमा अफगानिस्तान र ओमानले खेल्नेछन्। क्वालिफायरमा पाँच टिम नेपाल,हङकङ, अफगानिस्तान, युएइ र ओमानले सहभागिता जनाउनेछन्। आगामी वर्ष जिम्बाब्वे र नामिबियामा हुने यू-१९ विश्वकपको लागि ...
। आगामी वर्ष जेठमा कर्णाली प्रदेशमा तय भएको दशौँ राष्ट्रिय खेलकुद नहुने भएको छ । दोस्रो पटक मिति सार्दै २०८२ साल जेठ ३ देखि १० गतेसम्म कर्णालीमा दशौँ राष्ट्रिय खेलकुद हुने तय थियो । तर यो आर्थिक वर्षमा अब दशौँ नहुने पक्का भएको छ । शुक्रबार युवा तथा खेलकुद मन्त्रालयमा जारी राष्ट्रिय खेलकुद परिषदको बोर्ड बैठकमा ...
। कोलकाता नाइट राइडर्सले इन्डियन प्रिमियर लिग (आईपीएल) क्रिकेटमा तेस्रो जित निकाल्दा चेन्नई सुपर किङ्सले लगातार पाँचौं हार बेहोरेको छ । शुक्रबार चेन्नईमाथि ८ विकेटको सहज जित दर्ता गर्दै कोलकाताले ६ खेलमा तेस्रो जित निकालेको हो । चेन्नईले दिएको १०४ रनको सामान्य लक्ष्य कोलकाताले १०.१ ओभरमा २ विकेटको क्षतिमा पूरा गर्‍यो । कोलकाताका लागि सुनिल नरायनले सर्वाधिक ...
: सन् २०२८ मा अमेरिकामा हुने ओलम्पिकमा क्रिकेट खेलाइने भएको छ। जसमा पुरुष र महिलातर्फ ६-६ राष्ट्रलाई सहभागी गराइने निर्णय भएको छ। प्रत्येक टोलीमा १५ जनासम्म खेलाडी राख्न पाइने व्यवस्था गरिएको छ। ओलम्पिकमा पुग्ने छनोट प्रक्रियाबारे भने केही खुलाइएको छैन। क्रिकेट बोर्ड आइसीसीले ओलम्पिकलाई उक्त खेलहरू टी-२० फर्म्याटमा खेलाउन सुझाव दिएको छ। यस विषयमा निर्णय भने ...