हमासले इजरायलको तेल अभिभमा तीनवटा मिसाइल प्रहार गरेको बताएको छ। इजरायलले गाजामा आफ्नो सैन्य आक्रमण पुनः सुरु गरेपछि हमासको यो पहिलो प्रतिशोधात्मक आक्रमण भएको जनाइएको छ।
इजरायलले भने ती तीनवटा क्षेप्यास्त्रमध्ये एउटालाई रोकेको र बाँकी क्षेप्यास्त्रहरू कोही पनि नबस्ने ठाउँमा खसेको बताएको छ।
हमासद्वारा सञ्चालित गाजा स्वास्थ्य मन्त्रालयका अनुसार मंगलबारदेखि इजरायलले पुनः युद्ध सुरु गरेपछि गाजामा कम्तीमा ५९१ जनाको मृत्यु भइसकेको छ। मृत्यु हुनेमा २०० भन्दा बढी बालबालिका रहेका उनीहरुको भनाइ छ।
इजरायली सेना (आईडीएफ) ले बिहीबार प्यालेस्टिनी क्षेत्रमा स्थलगत कारबाही सुरु गरेको बताएको छ।
इजरायलले हमासले अझै पनि ५९ जनालाई बन्धक बनाएको बताएको छ जसमध्ये २४ जना जीवित रहेको अनुमान गरिएको छ।
