मुख्य समाचार
टर्कीमा इस्तानबुलका मेयर तथा विपक्षी नेता इकरम इमामोग्लुको गिरफ्तारीपछि देशभर विरोध प्रदर्शन
टर्कीमा इस्तानबुलका मेयर तथा विपक्षी नेता इकरम इमामोग्लुको गिरफ्तारीपछि देशभर विरोध प्रदर्शन

। टर्कीमा इस्तानबुलका मेयर तथा विपक्षी नेता इकरम इमामोग्लुको गिरफ्तारीपछि देशभर विरोध प्रदर्शन शुरु भएका छन् । प्रदर्शनकारीहरूले सडक, विश्वविद्यालय र मेट्रो स्टेसनहरूमा सरकारविरोधी नाराबाजी गरिरहेका छन् ।

स्थानीय सञ्चारमाध्यमहरूका अनुसार प्रदर्शनकारी र प्रहरीबीच झडपको खबर पनि आएको छ । यसको प्रतिक्रियास्वरूप सरकारले देशकै सबैभन्दा ठूलो सहर इस्तानबुलमा चार दिनका लागि सार्वजनिक जमघटमा प्रतिबन्ध लगाएको छ । साथै, धेरै सडक र मेट्रो सेवाहरू बन्द गरिएका छन् ।




१०० भन्दा बढी प्रदर्शनकारी पक्राउ

प्रदर्शनमा संलग्न १०० भन्दा बढी व्यक्तिहरूलाई प्रहरीले हिरासतमा लिएको छ । पक्राउ पर्नेमा धेरैजसो नेता र पत्रकार रहेका छन् । २२ वर्षदेखि सत्तामा रहेका राष्ट्रपति रेसेप तैयप एर्दोगान विरुद्धको यो सबैभन्दा ठूलो प्रदर्शनमध्ये एक मानिएको छ ।




भ्रष्टाचारको आरोपमा गिरफ्तारी

५४ वर्षीय इमामोग्लु आधुनिक टर्कीका संस्थापक मुस्तफा कमाल अतातुर्कको पार्टी रिपब्लिकन पिपुल्स पार्टी (सीएचपी) का नेता हुन् । उनी मार्च २३ तारिखमा राष्ट्रपतिको उम्मेदवार बन्ने तयारीमा थिए, तर त्यसअघि नै उनलाई भ्रष्टाचार र आतंकवादी संगठनलाई सहायता पुर्‍याएको आरोपमा गिरफ्तार गरिएको हो ।

इमामोग्लुकी पार्टी सीएचपीले यस गिरफ्तारीलाई ‘आगामी राष्ट्रपतिको विरुद्ध गरिएको षड्यन्त्र’ भन्दै विरोध जनाएको छ । विपक्षी नेता ओजगुर ओजेलले विपक्षी दलहरूलाई एकजुट हुन आह्वान गरेका छन् ।

उनले भने, ’गिरफ्तारी भए पनि इमामोग्लुलाई राष्ट्रपतिको उम्मेदवार बनाइनेछ ।’



यसैबीच, सामाजिक सञ्जालमा विपक्षी दललाई राष्ट्रपति चुनावको बहिष्कार गर्न माग उठिरहेको छ । प्रदर्शनकारीहरूले भनेका छन्, ’अब टर्कीमा स्वतन्त्र र लोकतान्त्रिक चुनाव सम्भव छैन ।’

तर, सरकार भने न्यायपालिका स्वतन्त्र रहेको दाबी गर्दै विपक्षीहरूको आरोप अस्वीकार गरिरहेको छ ।

इमामोग्लुको डिग्री रद्द, उम्मेदवारी संकटमा

गिरफ्तारी हुनुअघि नै इस्तानबुल विश्वविद्यालयले इमामोग्लुको डिग्री रद्द गरेको थियो । यसका कारण उनको उम्मेदवारी संकटकालीन अवस्थामा पुगेको छ ।

टर्कीको संविधानअनुसार राष्ट्रपति बन्नका लागि उच्च शिक्षा अनिवार्य छ । यदि अदालतले आफ्नो निर्णय परिवर्तन गरेन भने इमामोग्लु राष्ट्रपति चुनाव लड्न अयोग्य ठहरिन सक्छन् ।

एर्दोगानलाई चुनौती दिइरहेका इमामोग्लु

इमामोग्लु राष्ट्रपति एर्दोगानको प्रशासनविरुद्ध सबल विपक्षी नेताको रूपमा उभिएका छन् । उनले रियल इस्टेट व्यवसाय छोडेर ४३ वर्षको उमेरमा राजनीति सुरु गरेका थिए ।

सन् २०१९ अघि उनलाई धेरैले चिनेका थिएनन् । तर, सन् २०१९ को इस्तानबुल मेयर चुनावमा राष्ट्रपति एर्दोगानको समर्थित उम्मेदवारलाई पराजित गरेर उनी चर्चित भए ।

पहिलो जित

सन् २०१९ मा उनले ४१ लाख मत ल्याएर १३ हजार मतको झिनो अन्तरले जितेका थिए । तर, चुनावमा अनियमितता भएको भन्दै निर्वाचन आयोगले चुनाव बदर गरिदियो ।

दोस्रो जित

जुन २०१९ मा फेरि चुनाव हुँदा उनले ८ लाख बढी मतले जित हासिल गरे । यस जितले उनलाई राष्ट्रिय र अन्तर्राष्ट्रिय रूपमा बलियो नेताका रूपमा उभ्यायो ।



इमामोग्लुले एर्दोगान पक्षलाई तेस्रो पटक हराए

इमामोग्लु इस्तानबुलका मेयर भएपछि उनले सहरको पूर्वाधार सुधार गर्न महत्वपूर्ण काम गरे । उनी सन् २०२३ को राष्ट्रपति चुनावका लागि बलियो उम्मेदवार मानिन्थे ।

तर, विपक्षी गठबन्धनले कमाल किलिचदारोग्लुलाई राष्ट्रपतिको उम्मेदवार बनायो ।

सन् २०२४ मा इस्तानबुल मेयर चुनावमा इमामोग्लुले फेरि एर्दोगान समर्थित उम्मेदवारलाई हराए । इमामोग्लुले एर्दोगान पक्षलाई हराएको यो लगातार तेस्रो पटक हो ।

इमामोग्लुको गिरफ्तारी—एर्दोगानको चाल ?

इमामोग्लुको गिरफ्तारीलाई एर्दोगानसँग जोडेर हेरिएको छ । सन् २०२३ मा एर्दोगानले लगातार तेस्रो पटक राष्ट्रपति पद जितेका थिए । तर, टर्कीको संविधानअनुसार कोही पनि चौथो कार्यकालका लागि राष्ट्रपति बन्न पाउँदैन ।

यद्यपि, आलोचकहरूले भनेका छन्, ’एर्दोगानले सत्ता टिकाइराख्न संविधान परिवर्तन गर्न सक्छन् ।’

सन् २०२८ भन्दा अघि चुनावको सम्भावना ?

टर्कीमा अर्को राष्ट्रपति चुनाव सन् २०२८ मा हुने तय छ। तर, संविधान संशोधन गरेर वा समयअघि चुनाव गराएर एर्दोगानले फेरि सत्तामा फर्कने प्रयास गर्ने सम्भावना छ ।

इमामोग्लुको गिरफ्तारी एर्दोगानले आगामी चुनावका लागि आफ्नो मुख्य प्रतिद्वन्द्वी हटाउन खोजेको रणनीति हुन सक्ने अनुमान अन्तर्राष्ट्रिय सञ्चार माध्यमहरूले जनाएका छन् ।

(एजेन्सीहरूको सहयोगमा)

प्रतिक्रिया दिनुहोस्
अन्य समाचारहरु
। चीनले स्वदेशमै विकास गरेको हाइड्रोजन इन्धनमा चल्ने ड्रोनले ३० घण्टा लगातार उडान भरेर नयाँ कीर्तिमान कायम गरेको छ । यो जानकारी चीनको हवाइ उद्योग निगम (एभीआईसी) ले दिएको हो । झण्डै ५० किलो तौल वर्गको यो ड्रोन एभीआईसी अन्तर्गतको चेङ्दु एअरक्राफ्ट उद्योग समूह र चिनियाँ प्रतिष्ठित छिङह्वा विश्वविद्यालयले संयुक्त रूपमा विकास गरेका हुन् । हाइड्रोजनको विशेष ...
: डोमिनिकन रिपब्लिकको राजधानी सान्टो डोमिङ्गोमा रहेको एक नाइटक्लबको छत भत्किँदा मृत्यु हुनेको संख्या १८४ पुगेको छ। यस दुर्घटनामा यस देशका धेरै प्रमुख व्यक्तित्वहरूले ज्यान गुमाएका छन्। ४८ घण्टाभन्दा बढी समय बितिसक्दा पनि घटनास्थलमा उद्धार कार्य जारी छ। ७ अप्रिलको राति 'जेट सेट नाइटक्लब' को छत भत्किँदा यो दुर्घटना भएको हो। यस समयमा प्रसिद्ध गायक रबी ...
। चीनले आफ्नो देशमा प्रवेश गर्न अनुमति दिइएका अमेरिकी फिल्मको संख्या घटाउने भएको छ । अमेरिकी राष्ट्रपति डोनाल्ड ट्रम्पले बुधबार चिनियाँ उत्पादनहरूमा कर बढाएर १२५% पुर्‍याएको केही समयपछि नै चाइना फिल्म एडमिनिस्ट्रेसनले यो कदमको घोषणा गरेको हो । ‘चीनमा करलाई गलतरुपमा प्रयोग गर्ने अमेरिकी सरकारको गलत कार्यले अमेरिकी फिल्महरूप्रति घरेलु दर्शकको पहुँचलाई अझै कम गर्नेछ’ चाइना ...
। अमेरिकाले चीनमाथि लगाइने भन्सार शुल्क १२५ प्रतिशतबाट बढाएर १४५ प्रतिशत पुर्‍याएको छ। ह्वाइट हाउसले अमेरिका भित्रिने चिनियाँ सामानहरूमा अब कुल १४५ प्रतिशत भन्सार शुल्क लागू हुने बताएको छ । बुधबार राष्ट्रपति डोनाल्ड ट्रम्पले भन्सार शुल्क बढाएर १२५ प्रतिशत पुर्‍याउने घोषणा गरेका थिए। तर अमेरिकी प्रशासनले अघिल्लो घोषणा गर्दा पहिले नै लागू २० प्रतिशत भन्सार शुल्कलाई गणनामा ...
। अमेरिकाको म्यानहाटन नजिकको हडसन नदीमा एक हेलिकोप्टर दुर्घटनाग्रस्त हुँदा त्यसमा सवार सबै ६ जनाको ज्यान गएको छ। एसोसिएटेड प्रेस (एपी) का अनुसार बिहीबार दुर्घटनापछि लोअर म्यानहाटन र जर्सी सिटीको बीच पर्ने नदीको दुवै किनारमा आपतकालीन उद्धार कार्य सञ्चालन गरिएको थियो। न्युयोर्क सिटीका मेयर एरिक एडम्सले जानकारी दिँदै भने, ‘दुर्घटनामा स्पेनबाट आएको एक परिवार र पाइलटसहित तीन ...