: प्रधानमन्त्री कप पुरुष राष्ट्रिय प्रतियोगितामा विभागिय क्लब नेपाल पुलिसले गण्डकी प्रदेशलाई हराउँदै छैटौं जित निकालेको छ । पुलिसले गण्डकीविरुद्ध ७ विकेटको फराकिलो जित निकालेको हो ।
सिद्धार्थनगरस्थित,सिद्धार्थ रंगशालामा टस जितेर ब्याटिङ गरेको गण्डकी प्रदेशले दिएको ९३ रनको झिनो दिएको थियो । गण्डकीले दिएको ९३ रनको लक्ष्य पछ्याएको पुलिसले १६ ओभरमा ३ विकेट गुमाउँदै ९४ रन बनाउँदै लक्ष्य पूरा गरेको हो ।
पुलिसका लागि कप्तान दिपेन्द्र सिंह ऐरीले सर्वाधिक ५४ रनको अर्धशतकीय पारी खेले । उनले २३ बलमा ३ चौका र ६ छक्का प्रहार गरे । ओपनर कुशल भुर्तेल गण्डकीका कप्तान विपिन खत्रीको बलमा डक आउट भए । अमित श्रेष्ठले ७ रन बनाए । ओपनर अर्जुन साउद १८ र दिलिप नाथ १० अविजित रहे ।
गण्डकीका लागि सुवास भण्डारी र विपिन खत्रीले १–१ विकेट लिए । त्यसअघि,ब्याटिङ गरेको गण्डकी २३.२ ओभरमा ९२ रन बनाउँदै अलआउट भएको थियो । गण्डकीका लागि अर्जुन कुमालले सर्वाधिक ४८ रन बनाए । उनले ६३ बलमा ८ चौका प्रहार गरेका हुन् । रोहित चन्दले १० र सुवास भण्डारीले १० रन बनाए । अन्य कुनै पनि ब्याटरको ब्याटर चलेन ।
पुलिसका लागि ललितको स्पिन अट्याकले गण्डकीलाई धरापमा पार्यो । उनले ५.२ ओभरमा ५ विकेट लिए । उनलाई गुल्सन झाले साथ दिए उनले ८ ओभर बलिङ गर्दै १ मेडन सहित ४२ रन खर्चेर ४ विकेट लिए । ५ खेल खेलेको गण्डकीको यो पाँचौं हार हो । हालसम्म १ मात्र जित दर्ता गरेको गण्डकीले २ अंक मात्र जोडेको छ।
