: साफ यू–१९ पुरुष च्याम्पियनसिप प्रतियोगिताका लागि नेपाली टिमको प्रशिक्षकको जिम्मेवारी उर्जन श्रेष्ठले पाएका छन्।
मंगलबार सातदोबाटोस्थित एन्फा कम्प्लेक्समा महासचिव किरण राईले उनलाई सम्झौतापत्र हस्तान्तरण गरेका हुन्।
उर्जनले यसअघि नेपालमै आयोजना भएको साफ यू२० च्याम्पियनसिपमा पनि प्रशिक्षकको भूमिका निर्वाह गरेका थिए। उक्त प्रतियोगितामा नेपाल उपविजेता बनेको थियो।
नेपालले साफ यू१९ च्याम्पियनसिपको समूह बी मा रहेको नेपालले पहिलो खेल मे ११ श्रीलंकासँग खेल्नेछ। समूह चरणको दोस्रो खेल मे १३ मा भारतसँग खेल्नेछ।
समूह ए मा भने माल्दिभ्स, भुटान र बंगलादेश रहेको छ। यस प्रतियोगितामा ६ वटा राष्ट्रले सहभागिता जनाउनेछन्। २ टिममा विभाजन गरी खेलिने यस खेलमा समूहको शीर्ष २ ले सेमिफाइनल खेल्नेछन्।
