: अर्जेन्टिनी विश्वकप विजेता कप्तान लिओनल मेसीले विश्वकप छनोटको खेल गुमाउने भएका छन्।
विश्वकप छनोटको खेलका लागि उनले ब्राजिल र उरुग्वे विरुद्धको खेल गुमाउने भएका हुन्। सोमबार प्रशिक्षक लिओनल स्कोलोनीले घोषणा गरेको २६ सदस्यीय टिममा मेसीको नाम छैन।
उनी ग्रोइन समस्या(देब्रे तिघ्राको समस्या)का कारण इन्टर मियामीको पछिल्ला ३ खेल गुमाएपश्चात उनको नाम अर्जेन्टिनी टिममा नराखिएको हो। उनले कति समयपछि खेलमा फकर्ने भन्ने कुरा उनको चोट रिकोभरीमा भर पर्ने मियामीले बताएको छ।
मेसीसँगै अर्जेन्टिनी टिमबाट पाउलो डिबाला, गोन्जालो मोन्टिएल र जियाभानी लो सोल्सो पनि चोटका कारण टिमबाट बाहिर छन्। अर्जेन्टिनाले विश्वकप छनोटको १२ खेलबाट २५ अंक जोडेको छ। अर्जेन्टिनाले बाँकी २ खेलमा जित हासिल गरेमा विश्वकप २०२६ मा छनोट हुन सक्छ।
अर्जेन्टिनाले २१ मार्चमा उरुग्वेसँग र २५ मार्चमा ब्राजिलसँग विश्वकप छनोट अन्तर्गतको खेल खेल्नेछ।
