: नेपाल सुपर लिग (एनएसएल)को फ्रान्चाइज टोली बुटवल लुम्बिनीले जापानी फरवार्ड केन्ता हारालाई टिममा अनुबन्ध गरेको छ।
तेस्रो संस्करणको एनएसएलका लागि केन्तासँग बटुवाले सम्झौता गरेको हो। उनीसँग हङकङ इन्डोनेसिया मलेसिया बोस्निया र जर्मनीका क्लबबाट खेलेको अनुभव रहेको छ। उनले पछिल्लो पटक इन्डोनेसियाको लिग खेलेका थिए।
कान्ता बुटवल लुम्बिनीमा भित्रिने चौथो विदेशी खेलाडी हुन्। यसअघि नाइजेरियन मिडफिल्डर इजेकिल ओजीदिजा तमारा, इङ्लिस डिफेन्डर फेन्डर नथान माविला र स्कटिस मिटफिल्डर फ्याङ्क रोसलाई टिममा भित्र्याइसकेको छ।
मनिष टाङ्गी मार्केट प्लेयर रहेको यस टिममा पुष्पलाल शर्माले प्रशिक्षकको भूमिका निर्वाह गर्नेछन्। चैत्र १६ बाट सुरु हुने यस प्रतियोगितामा बुटवल लुम्बिनी एफसीले आफ्नो पहिलो खेल झापा एफसीसँग खेलेर प्रतियोगिताको सुरुवात गर्नेछ। प्रतियोगितामा जम्मा ७ टोलीले उपाधिका लागि प्रतिस्पर्धा गर्नेछन्।
