: नेपाल सुपर लिग (एनएसएल)को फ्रेन्चाइज टिम एफसी चितवनले जमैकन गोलकिपर अमल नाइटलाई अनुबन्ध गरेका छ । तेस्रो संस्करणको एनएसएलका लागि नाइटसँग सम्झौता गरेको सामाजिनक सञ्जालबाट जानकारी दिएको छ।
नाइटसँग जमैकन र अमेरिकन लिग खेलको अनुभव छ। उनले पछिल्लो पटक अमेरिकी दोस्रो डिभिजनको क्लब लेक्सिङ्टन एससीबाट खेलेका थिए।
नाइटले सन् २०१८ मा जमैकन राष्ट्रिय टोलीका लागि डेब्यू गरेका थिए। उनले ९ अन्तर्राष्ट्रिय खेल खेलेका छन्।
नाइट चितवनमा अनुबन्ध हुने तेस्रो विदेशी खेलाडी हुन्। उनी नेपाल आइसकेका छन्। उनी नेपाल आइसकेको एफसी चितवनले आफ्नो आधिकारीक फेसबुक पेजबाट जानकारी दिएको हो।
चितवनले यसअघि अमेरिकाका जोनाथन क्याम्पबेल र उज्वेकिस्तानका नोदिरबेक माभलोनोभलाई टिममा अनुबन्ध गरिसकेको छ। राष्ट्रिय टोलीका फरवार्ड अञ्जन विष्टलाई मार्की खेलाडी बनाएको चितवनका लागि नवीन न्यौपानेले प्रशिक्षण गर्नेछन्।
एनएसएल चैत १६ बाट सुरु हुँदैछ। चितवनले चैत १८ मा पोखरा थन्डर्ससँग पहिलो खेल खेल्नेछ।
