: वुमन्स डे कप २०२५ मा नेपाल युगान्डासँग पराजित भएको छ। नेपालले आफ्नो पाँचौं खेलमा युगान्डासँग ४० रनले पराजित भएको हो। ९२ रनको लक्ष्य पछ्याएको नेपाल १७.१ ओभर अलआउट हुँदै ५१ रनमात्र बनाउन सक्यो।
नेपालका लागि कविता जोशीले १२ र इन्दु बर्माले ११ रन बनाउँदा अन्य खेलाडीले दोहोरो अंकको रन जोड्न सकेनन्। यसअघि टस जितेर ब्याटिङ गरेको युगान्डाले निर्धारित ओभरको खेलमा ५ विकेट गुमाएर ९१ रन बनाएको थियो।
युगान्डासँग पराजित भएसँगै नेपाल फाइनल होडबाट बाहिरिएको छ। नेपालले पाँच खेल खेल्दै जम्मा दुई अङ्क बटुल्दै अंक तालिकाको अन्तिम स्थानमा रहेको छ। यससँगै नेपालले फाइनल खेल्ने सम्भावना सकिएको हो। यस प्रतियोगिताका बाँकी ३ देश युगान्डा, नामिबिया र हङकङको समान ६ अङ्क रहेको छ।
