: युक्रेनसँग एक महिनाको लागि युद्धविराम गर्न अमेरिकी प्रस्तावलाई रुसी राष्ट्रपतिका सहयोगीले ठाडै अस्वीकार गरेका छन्। रुसी राष्ट्रपति भ्लादिभिर पुटिनका सहयोगी युरी उशाकोवले युक्रेनसँग युद्धविराम गर्न अस्वीकार गरेका हुन्।
उनले युद्धविरामले युक्रेनलाई अस्थायी राहत दिनेबाहेक केही हुँदैन। 'यो युद्धविरामले युक्रेनी सेनालाई अस्थायी राहत प्रदान गर्नुको साथै उनीहरूलाई संगठित बन्न दिने अवसरबाहेक केही हुँदैन,' उनले भनेका छन्।
उनले रुसले युक्रेनमा दीर्घकालीन शान्ति चाहेको उल्लेख गरे। त्यसका लागि रुसले युक्रेनमाथि गरेको चिन्तालाई मनन गर्न उनको आग्रह छ। उनले यस विषयमा अमेरिकासँग शान्तिपूर्वक छलफल जारी रहेको दाबी गरेको छ।
हालै साउदीमा भएको अमेरिका र युक्रेनबीचको छलफलले तत्कालका लागि एक महिनाको लागि युद्धविराम गर्न युक्रेन राजी भएको थियो। यसै विषयमा छलफल गर्न अमेरिकी राष्ट्रपति ट्रम्प रुस जाने तयारी गरेको बताइएको छ।
