: फिफा क्लब विश्वकप २०२५ को पुरस्कार रकम फिफा विश्वकपभन्दा २.२७ प्रतिशत बढी रहेको छ। करिब १ अर्ब अमेरिकी डलर बराबरको पुरस्कार रकम घोषणा गरिएको छ।
जसमा फिफाले क्लब विश्वकप खेल्ने क्लबहरुको फाइदाका लागि यो निर्णय लिइएको बताइएको छ। संयुक्त राज्य अमेरिकामा हुने क्लब विश्वकपमा उठ्ने सम्पूर्ण फाइदा क्लबहरूलाई दिने फिफाका अध्यक्ष जीयानी इन्फेन्टिनोले जानकारी दिए। ‘फिफा क्लब विश्वकप, क्लब फुटबलको उत्कृष्ट एकताको नमुना हुनेछ। यसमा विशेषतः क्लबहरूलाई उत्कृष्ट लाभ मिल्नेछ। प्रतियोगिताबाट आएको सम्पूर्ण आम्दानी भाग लिने क्लबहरू र विश्वको सम्पूर्ण क्लबहरूको एकजुटताका लागि खर्च गरिनेछ। यसको एक पैसा पनि फिफाले लिने छैन।’
यो रकम महिला र पुरुष दुवै विश्वकपको पुरस्कार रकम भन्दा निकै बढी छ। ३२ टिमले भाग लिने यस प्रतियोगितामा कुन स्थानमा आएको टिमले कति पुरस्कार रकम पाउने भन्ने बारे खुलासा गरिएको छैन।
