: वुमन्स डे कप २०२५ खेल्न युगान्डा जाने नेपाल महिला टिमलाई नेपाल क्रिकेट संघ (क्यान)ले बुधबार बिदाइ गरेको छ।
नेपाली टिमलाई मुलपानीस्थित क्यानको केन्द्रीय कार्यालयमा बिदाइ गरिएको हो। क्यानका पदाधिकारीले टिमलाई बिदाइ गरेको हो।
यसपाली नेपाली महिला क्रिकेट टिमले फिटनेसलाई विशेष ध्यान दिई उपाधिमा हात लम्काउने कप्तान इन्दु बर्मा र प्रशिक्षक मनोज कटुवालले बताए।
प्रतियोगिता मार्च ८ देखि १६ गतेसम्म हुनेछ। यसमा नेपालसहित ४ टिमले भाग लिनेछन्। नेपाल, युगान्डा, हङकङ र नामिबीया बीच हुनेछ। नेपालले युगान्डा र हङकङसँग पहिले पनि खेलिसकेको छ। नेपालका लागि नामिबिया भने नयाँ टिम हो।
नेपाली टिमः
इन्दु बर्मा(कप्तान), विन्दु रावल, रुबिना क्षेत्री, रिया शर्मा, सम्झना खड्का, ममता चौधरी, राजमती ऐरी, पूजा महतो, कविता जोशी, अलिशा कुमारी यादव (विकेटकिपर), रोमा थापा, रचना चौधरी, साना प्रविन र ईश्वरी विष्ट
