— डिफेन्डिङ च्याम्पियन म्यानचेस्टर युनाइेटड एफएकपबाट बाहिरिएको छ । पाँचौं चरणको खेलमा उसलाई फुलहमले टाइब्रेकरमा ४–३ ले पराजित गरेको हो । निर्धारित समयको खेल १–१ को बराबरीमा रहेको थियो ।
ओल्ड ट्रायफोर्डमा प्राप्त जितमा फुलहमका लागि नायक गोलरक्षक बर्न लेनो रहे र उनले युनाइटेडका दुई पेनाल्टी बचाए । खराव लयमा रहेको युनाइटेडका लागि यो अर्को धक्का बनेको छ । त्यस अगाडि ब्राइटनले न्युकासल युनाइटेडलाई २–१ ले हराएको थियो ।
यससँगै प्रतियोगिताको अन्तिम आठको समीकरण पूरा भएको छ । त्यस अनुसार अब फुलहमले क्रिस्टल प्यालेस, प्रेस्टनले एस्टन भिल्ला, बर्नमाउथले म्यानचेस्टर सिटी तथा ब्राइटनले नटिङघम फरेस्ट अथवा इपस्विच टाउनको सामना गर्नेछ ।
