युक्रेनी राष्ट्रपति भोलोदिमिर जेलेन्स्कीसँग शुक्रबार ह्वाइट हाउसमा भएको तिक्ततापूर्ण बहसपछि अमेरिकाभर युक्रेनको समर्थनमा प्रदर्शन

: अमेरिकी राष्ट्रपति डोनाल्ड ट्रम्प र उपराष्ट्रपति जेडी भान्सको युक्रेनी राष्ट्रपति भोलोदिमिर जेलेन्स्कीसँग शुक्रबार ह्वाइट हाउसमा भएको तिक्ततापूर्ण बहसपछि अमेरिकाभर युक्रेनको समर्थनमा प्रदर्शन भएका छन् । ओभल अफिसमा यी तीन नेताबीच भएको उग्र विवादपछि युक्रेनका लागि आफ्नो समर्थन जनाउँदै सयौं मानिसले न्युयोर्क, लस एन्जलस र बोस्टनमा प्रदर्शन गरेका हुन् ।

युक्रेन समर्थक चिन्हसहितका झन्डा र प्लेकार्ड बोकेका प्रदर्शनकारीहरू वेट्सफिल्ड, भर्मन्टको सडकमा पनि लाइनबद्ध भएर प्रदर्शनमा उत्रिए । उक्त सडकमार्गबाट उपराष्ट्रपति भान्स र उनको परिवार बिदा मनाउने सिलसिलामा स्की रिसोर्टको भ्रमणमा जाने तालिका थियो । प्रदर्शनका कारण भान्स परिवार आफ्नो पूर्वनिर्धारित तालिकाभन्दा फरक हिसाबले स्की रिसोर्टबाट अज्ञात स्थानमा सरेको अमेरिकी सञ्चार माध्यमले जनाएका छन् ।

शुक्रबारको वार्ता अगाडि नै ट्रम्प–भान्स प्रशासनविरुद्ध वेट्सफिल्डमा गत साताको सुरुमै विरोध प्रदर्शन गरिएको थियो । ‘मलाई लाग्छ शुक्रबार ह्वाइट हाउसमा भएको प्रदर्शनले आज अझै धेरै मानिसलाई बाहिर निस्कन प्रेरित गरेको छ’, विरोध प्रदर्शन गर्ने समूह इन्डिभिजिबल म्याड रिभर भ्यालीकी जुडी डेलीले भनिन् ।

‘भ्यान्सले सीमा पार गरे’, अर्की प्रदर्शनकारी कोरी गिरोक्सले थपिन् । भ्यान्स परिवारको यात्रा अघि भर्मोन्टका गभर्नर फिल स्कटले मानिसलाई उनको परिवारप्रति आदर सम्मान व्यक्त गर्न आग्रह गरेका थिए ।

प्रतिक्रिया दिनुहोस्

अन्य समाचारहरु

भारतमा ११ वटा गाडी ठोक्किँदा १३ जनाको मृत्यु

भारतको दिल्ली-आग्रा यमुना एक्सप्रेसवेमा कुहिरोका कारण ११ वटा सवारीसाधन एकआपसमा ठोक्किँदा १३ जनाको मृत्यु भएको छ । मथुराको बलदेव क्षेत्रमा मंगलबार बिहान साढे ४ बजेतिर ८ वटा बस र ३ वटा साना सवारीसाधन ठोक्किएर दुर्घटना भएको थियो । मथुराका एसएसपी श्लोक कुमारका अनुसार दुर्घटनामा परी १३ जनाको मृत्यु भएको छ । एसएसपी श्लोक कुमारका अनुसार यमुना एक्सप्रेसवेमा ८ ...

ब्राजिलमा शक्तिशाली आँधी, ‘स्ट्याच्यु अफ लिबर्टी’ समेत ढल्यो

। ब्राजिलको गुआइबा सहरमा शक्तिशाली आँधी आएको छ । आँधीका कारण ४० मिटर अग्लो ‘स्ट्याच्यु अफ लिबर्टी’ समेत ढलेर टुक्रा टुक्रा भएको छ । यो अमेरिकाको न्युयोर्क सहरमा रहेको स्ट्याच्यु अफ लिबर्टीको प्रतिकृति हो । स्थानीय प्रशासनका अनुसार मूर्ति ढल्दा कुनै पनि किसिमको मानवीय क्षति भएको छैन । गुआइबामा सोमबार १५ डिसेम्बर २०२५ को दिउँसो आँधी आएको ...

टाइटानिक, अवतार निर्देशक जेम्स क्यामरुन अर्बपतिको सूचीमा

। ‘अवतार ३’ रिलिज हुन केही दिन बाँकी रहँदा प्रतिष्ठित अमेरिकी आर्थिक पत्रिका फोर्ब्सले हलिउडका महान निर्देशक जेम्स क्यामरुनलाई अर्बपतिको रुपमा घोषणा गरेको छ । यो सिक्वेल क्यामरुनको ब्लकबस्टर ‘अवतार’ फ्रान्चाइजीको तेस्रो फिल्म हो, जसमा सन् २००९ को “अवतार’ (२.९ बिलियन डलरको साथ सबै समयको सबैभन्दा धेरै कमाउने फिल्म) र सन् २०२२ को “अवतार : द ...

थाइल्यान्डले एक हप्ता भन्दा लामो घातक झडप पछि दुई राष्ट्रहरू बीचको लडाइँ रोक्नको लागि कम्बोडियाले पहिले युद्धविराम घोषणा गर्नु पर्ने

। थाइल्यान्डले एक हप्ता भन्दा लामो घातक झडप पछि दुई राष्ट्रहरू बीचको लडाइँ रोक्नको लागि कम्बोडियाले पहिले युद्धविराम घोषणा गर्नु पर्ने बताएको छ । थाई क्षेत्रमा आक्रमणकारीको रूपमा, कम्बोडियाले पहिले युद्धविरामको घोषणा गर्नुपर्ने बताउँदै थाई विदेश मन्त्रालयको प्रवक्ता माराती नालिता अन्डामोले बैङ्ककमा पत्रकारहरूसँगको साक्षातकारमा कम्बोडियाले पनि सीमामा खनन गर्ने प्रयासमा ‘इमानदारीपूर्वक’ सहयोग गर्नुपर्ने बताएका छन् । यस ...

पश्चिमा देशले सुरक्षा ग्यारेन्टी गरे युक्रेन नेटो त्याग्न तयार छ

। युक्रेनले पश्चिमा सहयोगीहरूबाट दृढ सुरक्षा ग्यारेन्टी प्राप्त गरेमा नाटोमा सामेल हुने आफ्नो लामो समय देखिको लक्ष्य त्याग्न सक्ने इच्छा राष्ट्रपति भोलोदिमिर जेलेन्स्कीले बर्लिनमा अमेरिकी दूत र युरोपेली साझेदारहरूसँगको प्रमुख बैठक अघि व्यक्त गरेका छन् । वर्षौं देखि नेटो सदस्यतालाई भविष्यको रूसी आक्रमण विरुद्ध बलियो सुरक्षाको रूपमा अगाडि बढाउने सोच गरेको युक्रेनले यसको सट्टा, संयुक्त राज्य ...