: अमेरिकी राष्ट्रपति डोनाल्ड ट्रम्पले युक्रेनी राष्ट्रपति भोलोदिमिर जेलेन्स्कीले लडाइँमात्र चाहेको आरोप लगाएका छन्। शुक्रबारको वार्तापछि पत्रकारहरूसँगको कुराकानीमा ट्रम्पले जेलेन्स्कीबीचको संवाद बिल्कुल राम्रो भएको बताए।
जेलेन्स्कीले आफूहरूसँग नराम्रो 'कार्ड' खेल्न चाहेको उनको आरोप छ। 'अमेरिकाले प्रस्ताव गरेको खनिज सम्झौता हस्ताक्षर भएको भए जेलेन्स्की बलियो हुने थिए। हामी युद्धलाई अन्त्य गर्न चाहन्छौं। तर, जेलेनस्की त्यो चाहेन। उनी लड्नमात्र चाहन्छन्,' ट्रम्पले भने।
उनले शान्ति स्थापना आफ्नो बाटो रहेकाले युक्रेनसँग फेरि पनि संवाद हुनसक्ने संकेत गरे। अमेरिकी समर्थन फिर्ता लिने धम्की दिँदै ट्रम्पले भने, 'कि हामी युद्धलाई अन्त्य गर्न चाहन्छौं कि उसलाई लड्न दिन्छौं।' शुक्रबार भएको संवादमा ट्रम्प र जेलेन्स्कीबीच विवाद उत्पन्न भएको थियो।
