रुसी राष्ट्रपति भ्लादिमिर पुटिनले अमेरिकालाई देशको दुर्लभ खनिज पदार्थमा पहुँच प्रदान गर्न तयार रहेको बताएका छन्। यसमा रूसले कब्जा गरेको युक्रेनका क्षेत्रहरू पनि समावेश छन्।
अमेरिकी राष्ट्रपति डोनाल्ड ट्रम्पले पनि अमेरिकी समर्थनको बदलामा युक्रेनले अमेरिकासँग खनिजको सम्बन्धमा सम्झौता गर्नुपर्ने कुरा बताएका थिए।
पुटिनले अन्तर्वार्तामा आफूले संयुक्त परियोजनाहरूमा अमेरिकी साझेदार स्वीकार गर्ने बताएका छन्। यसमा फेब्रुअरी २०२२ मा युक्रेनमाथि आक्रमण गरेदेखि रूसले कब्जा गरेका क्षेत्रहरू पनि समावेश छन्।
युद्ध पछि रूसले पूर्वी युक्रेनका धेरै भागहरू कब्जा गरेको छ। पुटिनले युक्रेन र अमेरिका बीच खनिज सम्बन्धी सम्भावित सम्झौता चिन्ताको विषय नभएको पनि बताएका छन्। बीबीसी
