— चिलीमा बिजुली काटिएपछि देशको ठूलो क्षेत्र प्रभावित बनेको छ । यद्दपि राजधानी सेन्टियागोका केही क्षेत्रमा बिजुलीको व्यवस्था बहाल गरिएको छ ।
देशव्यापी बिजुली काटिएपछि प्रभावित क्षेत्रमा कर्फ्यू लगाइएको छ र उक्त क्षेत्रहरुमा सेना तैनाथ गरिएको अन्तर्राष्ट्रिय सञ्चार माध्यम बीबीसीले जनाएको छ ।
दक्षिण अमेरिकाको सबैभन्दा ठूलो म्यूजिक फेस्टिभल ‘द विना देल मार’लाई पनि रद्द गरिएको छ । देशका अस्पताल र कारागारमा जेनेरेटरबाट बिजुलीको आपूर्ति भइरहेको छ ।
यातायात प्रणाली पूरै प्रभावित बनेको स्थानीय अधिकारीले बताएका छन् । सिस्टम फेलियरका कारण यस्तो अवस्था आएको सरकारले बताएको छ ।
चिलीका राष्ट्रपति गेब्रियल बोरिकले टेलिभिजनमा सम्बोधन गर्दै बिजुली काटिएपछि ८० लाख घर प्रभावित भएको बताएका छन् । जसमध्ये आधा घरमा बिजुली पुन: आइसकेको उनको भनाइ छ ।
