: नेपाली यू१९ टिमका स्पाइकर सूर्य विकलाई राष्ट्रिय खेलकुद परिषद(राखेप)ले सहयोग प्रदान गरेको छ।
सदस्य सचिव टंकलाल घिसिङले उनका दाजु सन्तोष विकलाई ७५ हजारको चेक हस्तान्तरण गरेका हुन्। घिसिङ सहित खेलाडी संघका अध्यक्ष दीपक श्रेष्ठले उनलाई उपचार खर्च प्रदान गरेका हुन्।
गत असोजको १९ देखि २६ गतेसम्म श्रीलंकाको कोलम्बोमा भएको यू१९ पुरुष भलिबल प्रतियोगिता खेल्ने क्रममा उनी घाइते भएका थिए। १९ वर्षीय सुर्यको हातको नसामा समस्या आएको थियो। उनी हाल थेरापी गराइरहेका छन्।
