: अमेरिकी राष्ट्रपति डोनाल्ड ट्रम्पले फेरि एक पटक पारस्परिक(रेसिप्रोकल) कर लगाउने कुरा दोहोर्याएका छन्। उनले विश्वभरका देशहरूमा पारस्परिक भन्सार लगाउने कुरा गरेका छन्।
'व्यापारमा, पारदर्शिताको खातिर मैले पारस्परिक र लगाउने निर्णय गरेको छु,' उनले सामाजिक सञ्जाल एक्समा लेखेका छन्, 'यसको अर्थ जुन देशले अमेरिकामा जति कर लगाउँछ उक्त देशमा हामी पनि त्यति नै कर लगाउनेछौं। न कम न बढी।'
यो सबैका लागि निष्पक्ष हुने ट्रम्पले बताएका छन्। कुनै पनि देशले यसबारे गुनासो गर्न नसक्ने उनको भनाइ छ। कुनै देशलाई अमेरिकाले धेरै कर लगाएको भन्ने लाग् भने सो देशले पनि अमेरिका विरुद्ध लगाउँदै गरेको शुल्क घटाउनु वा हटाउनु पर्ने हुन्छ।
अमेरिकामै बनेका उत्पादनहरूमा भने कर नलाग्ने उनले बताए।
राष्ट्रपति ट्रम्पले फेब्रुअरी १३ मा एक ज्ञापनपत्रमा हस्ताक्षर गरेका थिए, त्यसमा रेसिप्रोकल करको योजना बनाउन आदेश दिइएको थियो।
यस विषयमा राष्ट्रपति डोनाल्ड ट्रम्पले निष्पक्ष, स्वतन्त्र, पारस्परिक व्यापारको योजना घोषणा गरेको ह्वाइट हाउसले जनाएको थियो।
ह्वाइट हाउसले संयुक्त राज्य अमेरिकाले अब अर्को देशले गरेको अत्यधिक मूल्य निर्धारण सहन नसक्ने जनाएको थियो। बीबीसी
