: कतारी अमीर शेख तमिम बिन हमद अल-थानी सोमबार राति भारत पुगेका छन्। उनलाई स्वागत गर्न भारतीय प्रधानमन्त्री नरेन्द्र मोदी आफैं नयाँ दिल्ली विमानस्थलमा गएका थिए।
प्रधानमन्त्री मोदीले सामाजिक सञ्जाल एक्स मा लेखेका छन्, 'मेरो भाइ कतारका अमीर शेख तमिम बिन हमद अल-थानीलाई स्वागत गर्न विमानस्थलमा गएको थिएँ। मलाई आशा छ उनको भारत भ्रमण सफल हुनेछ। म मंगलबारको बैठकको बारेमा उत्साहित छु।'
त्यस्तै भारतका विदेशमन्त्री एस. जयशंकरले इन्स्टाग्राममा कतारका अमीर शेख तमिम बिन हमद अल-थानी भारत भ्रमणमा आइपुगेका जनाएका छन्। उनले लेखेका छन्, 'मलाई विश्वास छ कि प्रधानमन्त्री मोदीसँगको उनको भेटले दुई देशबीचको मित्रतालाई अझ बलियो बनाउनेछ।'
भारतीय विदेश मन्त्रालयका अनुसार कतारका अमीर शेख तमिम बिन हमद अल-थानी फेब्रुअरी १७ र १८ मा भारतको भ्रमणमा रहने छन्।
