— युभेन्ट्सले इटालीको सिरी ‘ए’ मा इन्टर मिलानलाई शीर्ष स्थानमा उक्लिनबाट रोकेको छ । आफ्नो पुरानो प्रतिद्वन्द्वी टिमलाई १–० ले पराजित गर्दै युभेन्ट्स अंक तालिकाको शीर्ष चारमा प्रवेश गर्न पनि सफल रह्यो ।
खेलको निर्णायक गोल १६ औं मिनेटमा भएको थियो र फ्रान्सिस्को कोन्सेसकाउको नाममा रह्यो । यो सिजन उनको यो चौथो गोल हो । यस जितपछि युभेन्ट्सको २५ खेलबाट ४६ अंक भएको छ । गोल अन्तरको आधारमा लाजियो समान ४६ अंकमै पाँचौं स्थानमा छ ।
डिफेन्डिङ च्याम्पियन इन्टर भने ५४ अंकमा रोकियो । नेपोली भने ५६ अंकमा शीर्ष स्थानमा छ । अब नेपोलीले दुई सातापछि हुने खेलमा इन्टरको सामना गर्नेछ र यो खेलको नतिजाले लिग उपाधिको लागि निर्णायक हुन सक्नेछ ।
