— इंग्लिस प्रिमियर लिगमा संघर्षरत दुई टिमबीचको खेलमा टोटनहमले म्यानचेस्टर युनाइटेडलाई १–० ले हराएको छ । नयाँ प्रशिक्षकका रूपमा रुबेन एमोरिम आएयता पनि युनाइटेडको भाग्य फेरिएको छैन र खराव प्रदर्शनको शृंखला कायम रह्यो।
खेलको एक मात्र गोल जेम्स म्याडिसनले गरे । उनले १३ औं मिनेटमा गरेको गोल मदतले टोटनहम ३० अंकमा १२ औं स्थानमा उक्लिन सफल रह्यो । युनाइटेड भने २९ मिनेटमा १५ औं स्थानमा रह्यो ।
जितले टोटनहमका प्रशिक्षक एन्गे पोचेग्लुमाथिको दबाब केही कम पनि हुनेछ । यसअघि लिभरपुलले उल्भ्समाथि २–१ को संघर्षपूर्ण र प्रभावहीन जित निकालेको थियो । त्यस जितपछि लिभरपुलले शीर्षमा सात अंकको अग्रता कायम राख्यो ।
लिभरपुलका लागि लुइस डियाज र मोहमद सलाहले गोल गरे । म्याथेस कुन्हाले ६७ औं मिनेटमा गोल गरेपछि उल्भ्सले लिभरपुललाई बाँकी समय दबाबमा राखेको थियो ।
