मुख्य समाचार
शकिरा अस्पताल भर्ना, पेरुमा हुने उनको कन्सर्ट स्थगित
शकिरा अस्पताल भर्ना, पेरुमा हुने उनको कन्सर्ट स्थगित

। आफ्नो बहुचर्चित विश्व सांगीतिक टूर ‘लास मुजेरेस या नो लोरन’मा निस्किएकी पपस्टार शकिरालाई पेटको समस्याले अस्पताल भर्ना गरिएको छ । जसको कारण पेरुमा हुने उनको कन्सर्ट स्थगित गरिएको अन्तर्राष्ट्रिय संचारमाध्यमले जनाएका छन् ।

४८ वर्षीया गायिकाले अस्पतालको आकस्मिक कक्षमा आफू उपचाररत रहेको जानकारी दिएकी छन् । सामाजिक संजाल एक्समा पोस्ट गरिएको सूचनामा शकिराले कन्सर्ट रोक्नुपरेकोमा दुःख व्यक्त गरेकी छन् ।




उनी लेख्छिन्, ‘म तपाईं सबैलाई जानकारी गराउँदै माफी माग्न चाहन्छु कि गएराती पेटको समस्याले म अस्पतालमा जानुपर्‍यो । अहिले पनि उपचाररत छु ।’ चिकित्सकले उनलाई स्टेजमा नगइकन आराम गर्न सल्लाह दिएका छन् ।

पेरुका फ्यानमाझ प्रस्तुति दिनको लागि आफू प्रतीक्षारत रहेको बेला कन्सर्ट रद्द गर्नुपर्दा दुःखित रहेको उनले जनाएकी छिन् । आयोजकले पूर्वनिर्धारित मितिमै कन्सर्ट गर्न प्रतिबद्ध रहेको सन्देश दिइरहेको उनले बताएकी छन् ।




‘म तपाईं सबैलाई माया गर्छु र बुझाइलाई कदर गर्छु’ उनले लेखेकी छिन् । स्वास्थ्य समस्याको बाबजुद ‘हिप्स डन्ट लाई’ गायिका चाँडै स्टेजमा फर्किनेमा आशावादी छिन् । सोमबार डिस्चार्ज भएर टूरलाई निरन्तरता दिने उनको आशा छ । योजनाअनुसार निको भइन भने कोलम्बिया जानुअघि पेरुमा प्रस्तुति दिनुपर्नेछ ।

शाकिराले फेब्रुअरी ११ मा ब्राजिलको रियो दि जेनेरियोबाट भ्रमण सुरु गरेकी थिइन् । उत्कृष्ट ल्याटिन पप एल्बमको लागि यसवर्ष ग्रामी अवार्ड जितेको केही दिनमै उनी टूरमा निस्किएकी हुन् । उनको दक्षिण अमेरिकी यात्रा ८ मार्चसम्म चल्नेछ । त्यसपछि उनी मेक्सिकोको लागि तयार हुनेछिन् ।

प्रतिक्रिया दिनुहोस्
अन्य समाचारहरु
। मीन बहादुर भाम निर्देशित शाम्बाला २०८२ को उत्कृष्ट चलचित्र बन्न सफल भएको छ । चलचित्र विकास बोर्डले हरेक वर्ष प्रदान गर्दै आएको राष्ट्रिय चलचित्र पुरस्कार- २०८२ मा शाम्बालाले उत्कृष्ट चलचित्रको पुरस्कार पाएको हो । सोमबार राष्ट्रपति कार्यालय शीतलनिवासमा आयोजित पुरस्कार वितरण समारोहमा राष्ट्रपति रामचन्द्र पौडेलले विभिन्न ९ विधामा पुरस्कार प्रदान गरेका हुन् । उत्कृष्ट निर्देशकतर्फको पुरस्कार ...
सन अफ सत्यमूर्ति, टेम्पर, येवादुजस्ता प्रसिद्ध फिल्ममा खलनायकको भूमिका निर्वाह गरेका लोकप्रिय दक्षिण भारतीय अभिनेता कोटा श्रीनिवासको आइतबार निधन भएको छ । उनले केही दिनअघि मात्र ८३ औं जन्मदिन मनाएका थिए । उनी लामो समयदेखि बिरामी थिए । उनले आइतबार बिहान हैदराबादको जुबली हिलस्थित आफ्नो बंगलामा अन्तिम सास फेरे । उनले तेलुगु, तमिल, कन्नड र हिन्दी भाषाका ...
। जेम्स गन निर्देशित डीसी ब्रम्हाण्डको हलिउड सुपरहिरो फिल्म ‘सुपरम्यान’को पछिल्लो श्रृंखलाले पहिलो सप्ताहन्त विश्व बक्सअफिसमा आक्रामक ओपनिङ गर्ने देखिएको छ । यो फिल्मले शुक्रबारदेखि आइतबारसम्म विश्वभर २१० देखि २१५ मिलियन डलर ओपनिङ गर्ने प्रक्षेपण छ । जसमध्ये ११५-१२२ मिलियन डलर उत्तर अमेरिका र ९०-९५ मिलियन डलर अन्तर्राष्ट्रिय बजारमा कमाइ हुने अनुमान छ । शुक्रबार मात्रै उत्तर ...
। भारतीय गायक अरिजित सिंह विश्वप्रसिद्ध म्युजिक प्लाटफर्म ‘स्पोटीफाइ’मा ‘धेरै पछ्याइने संगीतकर्मी’ बनेका छन्। उनका १५१ मिलियन भन्दा धेरै फलोअर छन् । उनले यस क्रममा चर्चित गायिका टेलर स्वीफ्टलाई पनि पछि पारेका छन् । टेलरको १३९ मिलियन फलोअर छन् । यसअघि गत वर्षको अगस्टमा पनि अरिजितले टेलरलाई उछिनेका थिए । २०२३ को अगस्टमा पनि अरिजित सिंहले स्वीफ्टलाई ...
। ‘माग्ने बुढा’को नामले चर्चित अभिनेता केदार घिमिरेले आफूले फिल्मबाट ६१ लाख रुपैयाँ पारिश्रमिक लिएको भन्ने कुराको खण्डन गरेका छन् । आइतबार राजधानीमा आयोजित मिसेस नेपाल वर्ल्ड २०२५ को पत्रकार सम्मेलनमा बोल्दै उनले फिल्मको प्रचार र फण्डाको लागि निर्माताले बोल्न भनेको र आफूले बोलेको मात्र बताए । ‘मैले त्यो रकम लिएको होइन । कति रकम लिएको भन्ने ...