। एप्पलको लोकप्रिय एप्पल टिभी एप अब एन्ड्रोइड प्रयोगकर्ताले पनि प्रयोग गर्न पाउने भएका छन् । एप्पलले एन्ड्रोइड प्रयोगकर्ताका लागि समेत आफ्नो टिभी एप लन्च गरेको हो । एप्पल टिभी एप्पलको स्ट्रिमिंग प्लाटफर्म हो ।

साधारणतया एप्पलले एन्ड्रोइडका लागि एप लन्च गर्दैन । कम्पनीले केवल आइओएस तथा म्याक ओएसका लागि मात्रै आफ्ना प्रडक्ट केन्द्रित गर्दछ । तर यसपटक भने एप्पल टिभी एप एन्ड्रोइडका लागि समेत जारी भएसँगै यसले सबैलाई अचम्ममा पारेको छ ।


एप्पलका अनुसार अब एप्पल टिभी एप विश्वभरका एन्ड्रोइड प्रयोगकर्ताका लागि उपलब्ध छ । यो एपको मद्दतले प्रयोगकर्ताले एप्पल टिभी प्लसमा रहेका सबै सामाग्री एन्ड्रोइड प्लाटफर्ममा पनि हेर्न सक्दछन् । तर यसका लागि एप्पल टिभीको सब्सक्रिप्सन लिनु पर्दछ ।

एप्पलका यी पाँच एपमात्रै एन्ड्रोइडमा छन्


एन्ड्रोइडका लागि एप्पलले उपलब्ध गराएका सर्भिसहरुको कुरा गर्दा केवल ५ वटा मात्रै एप्पलका यस्ता एप छन् जसले आइओएससँग एन्ड्रोइडमा पनि उपलब्ध छन् । यी एपमा Apple Music, Move to iOS, Apple TV, Beats tyf Apple Music Classical रहेका छन् । एप्पल टिभी प्लसलाई लिएर कम्पनी निकै उत्साहित पनि रहेको छ र यसलाई एन्ड्रोइडमा समेत लञ्च गरेर एप्पलले बृहत बजारमा प्रभुत्व जमाउन चाहन्छ ।

स्मरण रहोस् एप्पलले विभिन्न हलिउड कलाकारहरुँग सहकार्य गरेको छ । कम्पनीले मौलिक सिर्जनामा पनि निकै धेरै काम गरिरहेको छ । एप्पल टिभी एप यो निशुल्क सेवा भने होइन, केवल एपमात्रै निशुल्क रुपमा डाउनलोड गर्न सकिन्छ । कन्टेन्ट हेर्नका लागि मासिक शुल्क तिर्नुपर्दछ ।

एप्पल टिभी प्लस एन्ड्रोइड प्लाटफर्ममा लन्च भएसँगै यसले अन्य ओटिटी प्लाटफर्महरुलाई टक्कर दिने अपेक्षा गरिएको छ । एजेन्सीको सहयोगमा