: अमेरिकी अन्तर्राष्ट्रिय विकास निकाय (यूएसएआइडी–यूएसएड)) का स्वतन्त्र महानिरीक्षक पल मार्टिनलाई राष्ट्रपति डोनाल्ड ट्रम्पले बर्खास्त गरेको अमेरिकी सञ्चारमाध्यमले जनाएका छन्।
वासिङ्टन पोस्ट, सिएनएन र अन्य सञ्चार माध्यमका अनुसार यूृएसएडलाई विघटन गर्ने ट्रम्प प्रशासनको प्रयासको आलोचना गर्ने प्रतिवेदन जारी गरेको एक दिनपछि मार्टिनलाई पदबाट बर्खास्त गरिएको हो। सञ्चारमाध्यमले ह्वाइट हाउसबाट मार्टिनलाई मंगलबार पठाइएको दुई वाक्यको इमेललाई उद्धृत गरेका छन्। इमेलमा निर्णयको कारण बताइएको थिएन। तर, मार्टिनको पद ‘तत्काल लागू हुने गरी समाप्त’ भएको जनाइएको थियो।
