— बायर्न म्युनिकले युरोपेली च्याम्पियन्स लिगको नकआउट राउन्ड प्ले अफ पहिलो लेगमा बुधबार सेल्टिकलाई २–१ को साँघुरो अन्तरले हराएको छ । सेल्टिक पार्कमा बायर्नका लागि माइकल ओलिस र ह्यारी केनले गोल गरे । यी दुई गोल गोल चार मिनेटको अन्तरमा भएको थियो ।
खेलको अन्त्यतिर सेल्टिकका लागि जापानी खेलाडी डाइजेन माडाले एक गोल फर्काए र आफ्नो टिमको अर्को चरण पुग्ने सम्भावनालाई जीवन्त राखे । केनले भने यो सिजनको २९ औं खेलमा २९ औं गोल गरे र आफू लयमा रहेको प्रमाणित गरे ।
अन्य खेलमा क्लब ब्रुगले एटलान्टालाई २–१ ले हरायो । यस्तै बेनफिकाले एएस रोमा तथा फायनउडले एसी मिलानलाई समान १–० ले हरायो । फायनउडले खेलको तेस्रो मिनेटमै इगोर पाइसोको गोलले अग्रता लिएको थियो र त्यसलाई अन्त्यसम्म कायम राख्न सफल रह्यो ।
